影片
更多
2024-01-17
290 浏览
由结论讲起，和牛质素极高，服务又好，性价比高，作为生日饭或者重要聚会一啲都唔失礼，食完已经即刻介绍俾朋友，放入私心宴客餐厅list😆门口有少少难揾，喺个巷仔位都转入去。为咗避免同人迫，特登拣咗早少少嘅时段，餐厅嘅座位坐得好舒服，而且侍应好有礼貌，招呼周到叫咗一个二人前套餐，$898入边已经包左A5和牛、野菜盘、日本兰王、赞岐乌冬同埋雪糕🤤落单冇几耐，侍应就摆低今日嘅主角，鹿儿岛A5和牛，仲有埋出世纸真系不得了。净系见到上面粉红色嘅雪花，就已经非常期待，食指大动😚再来就系野菜盛合，经典寿喜烧配搭，京葱豆腐冬菇油扬等等，期待值MAX!! 🤤当我哋仲谂紧咩叫棉花糖寿喜烧，棉花糖就出现了。原来棉花糖系用作酱汁嘅糖分，当酱汁淋落去嘅时候棉花糖就会融入寿喜烧将入边。职员非常贴心，喺酱汁烧热紧嘅时候，会叫我哋搞散兰王鸡蛋，用嚟点牛。另外烧牛肉嘅时候，仲会问我哋要生定熟啲，配合返唔同口味嘅客人👍初初拣咗要生啲，为左试到和牛既油香。果然不负众望，入口即溶，油香完美充满成个口。感谢大自然养育牛妈妈，感谢牛妈妈生咗牛仔，呢一刻成为我身体嘅一部份，幸福嘅感觉就系咁🙇🏻♀️最后都试咗熟啲嘅和牛，柔润嘅感觉少啲，
门口有少少难揾，喺个巷仔位都转入去。为咗避免同人迫，特登拣咗早少少嘅时段，餐厅嘅座位坐得好舒服，而且侍应好有礼貌，招呼周到
叫咗一个二人前套餐，$898入边已经包左A5和牛、野菜盘、日本兰王、赞岐乌冬同埋雪糕🤤
落单冇几耐，侍应就摆低今日嘅主角，鹿儿岛A5和牛，仲有埋出世纸真系不得了。净系见到上面粉红色嘅雪花，就已经非常期待，食指大动😚
再来就系野菜盛合，经典寿喜烧配搭，京葱豆腐冬菇油扬等等，期待值MAX!! 🤤
当我哋仲谂紧咩叫棉花糖寿喜烧，棉花糖就出现了。原来棉花糖系用作酱汁嘅糖分，当酱汁淋落去嘅时候棉花糖就会融入寿喜烧将入边。
职员非常贴心，喺酱汁烧热紧嘅时候，会叫我哋搞散兰王鸡蛋，用嚟点牛。另外烧牛肉嘅时候，仲会问我哋要生定熟啲，配合返唔同口味嘅客人👍
初初拣咗要生啲，为左试到和牛既油香。果然不负众望，入口即溶，油香完美充满成个口。感谢大自然养育牛妈妈，感谢牛妈妈生咗牛仔，呢一刻成为我身体嘅一部份，幸福嘅感觉就系咁🙇🏻♀️
最后都试咗熟啲嘅和牛，柔润嘅感觉少啲，但牛肉嘅香味会更加浓郁，口感会札实啲，我觉得两种食法各有各精彩之处😆
食完牛，就到野菜盛合既部分，因为牛既肉汁已经融入左寿喜烧酱汁底，煮出嚟嘅椰菜，每一啖都充满寿喜烧汁嘅香味，而且蔬菜都好新鲜，同样系食到停唔到口
点埋但有牛肉汁嘅兰王蛋汁，好味到一滴都唔舍得浪费🥰
最后送上云呢拿雪糕，画上完美嘅句号💕
如果嫌唔够饱，仲可以叫串烧，不过我哋两个女仔，二人前嘅寿喜烧完全足够
埋单加埋两杯嘢饮每人五百几，呢个价位有呢个食物质素，真系超值，一食完已经即刻介绍俾朋友👍
呢排个市唔好，希望佢长做长有，等我继续有得食🫶
张贴
