影片
更多
2022-12-03
1166 浏览
香港人一讲起和牛就如数家珍，唯独冲绳区和牛就真系少听。讲起冲绳，你一定谂起阿古猪，又或者海葡萄，但原来冲绳和牛系黑毛和牛中其中一个好出名嘅成员，大部分名气劲大的阿哥级品牌如神户牛，松阪牛等嘅牛只都系来自冲绳嘅小牛繁殖场，可见唔系一般和牛咁简单，最重要呢只和牛好少出口到海外。因为草间弥生，M+你可能点都近来会去过，但系佢嘅餐厅你又试过未？除左MOSU外，（天啊！我仲未book到Mosu）ADD+ 都系经常一位难求，之前试过特登去食海南鸡饭，但系周末经常大排长龙，今次得知佢地首度于 12 月 9 日至 23 日推出冲绳 A5 和牛期间限定的九款单点美食，有朋友带去优先才认识到呢个冲绳牛。你唔以为和牛就一定好贵，各菜式由港币$128 至港币$598，最重要系午餐及晚餐时段都会提供。冲绳牛酥、蜜汁芥薯冲绳牛粒、黑啤酒烩冲绳牛肋肉、萝卜清汤冲绳牛腩、香煎牛排扒酸豆果酱、冲绳牛面包卷、冲绳他他牛、黑松露冲绳牛米粉，烧汁冲绳牛炒饭，九款选择各有特色，唔知食边种？小朋友才做选择我全都要。今次选了牛肋骨及前牛腰脊肉作主要菜式，前菜先有冲绳他他牛，酱汁开胃之余，有种甜美，捞埋落个牛肉食好爽，而且仲有味噌腌
香港人一讲起和牛就如数家珍，唯独冲绳区和牛就真系少听。
讲起冲绳，你一定谂起阿古猪，又或者海葡萄，但原来冲绳和牛系黑毛和牛中其中一个好出名嘅成员，大部分名气劲大的阿哥级品牌如神户牛，松阪牛等嘅牛只都系来自冲绳嘅小牛繁殖场，可见唔系一般和牛咁简单，最重要呢只和牛好少出口到海外。
因为草间弥生，M+你可能点都近来会去过，但系佢嘅餐厅你又试过未？除左MOSU外，（天啊！我仲未book到Mosu）ADD+ 都系经常一位难求，之前试过特登去食海南鸡饭，但系周末经常大排长龙，今次得知佢地首度于 12 月 9 日至 23 日推出冲绳 A5 和牛期间限定的九款单点美食，有朋友带去优先才认识到呢个冲绳牛。
你唔以为和牛就一定好贵，各菜式由港币$128 至港币$598，最重要系午餐及晚餐时段都会提供。
冲绳牛酥、蜜汁芥薯冲绳牛粒、黑啤酒烩冲绳牛肋肉、萝卜清汤冲绳牛腩、香煎牛排扒酸豆果酱、冲绳牛面包卷、冲绳他他牛、黑松露冲绳牛米粉，烧汁冲绳牛炒饭，九款选择各有特色，唔知食边种？小朋友才做选择我全都要。
今次选了牛肋骨及前牛腰脊肉作主要菜式，前菜先有冲绳他他牛，酱汁开胃之余，有种甜美，捞埋落个牛肉食好爽，而且仲有味噌腌渍生鹌鹑蛋蛋黄捞埋一齐，听见都正。
冲绳牛酥，呢个系必点菜式，因为餐厅请到酒店点心师傅出山（唔使讲边间，你一食就知）个酥脆包住美味多汁的冲绳牛肉，仲有点点嘅黑椒香，你食完就会知道佢系边间酒店做过，风格实在太强烈。
如果你爱啤酒，一定要吃黑啤酒烩冲绳牛肋肉，啤酒烩到入哂成件牛肋肉，个种感觉唔讲得笑，而家牛肋肉的油脂同腍身真系非常温柔，旁边的烤时蔬及手指薯都好抢镜。我个人觉得相对简单系蜜汁芥薯冲绳牛粒，不过特别出色系个蜜汁芥薯，味道比牛肉更加抢镜得多。
冲绳牛面包卷一定会令你谂起威灵顿牛，但呢个牛当然出色得多，你会想如果好似平时𠮶啲威灵顿牛咁大件就会好幸福了，那烧得漂亮的嫩红，一看就垂涎。
萝卜清汤冲绳牛腩香到一个点系放低已经闻到，萝卜当然非常清甜，个牛腩仲可以加上葱花，完全系fine dining格局。
最劲一定要讲香煎牛排扒酸豆果酱， 因为最大份而且系好似平时你食开扒嘅感觉，最能体会硬净嘅冲绳牛感觉，绝对不能不叫呢个主吃。
黑松露冲绳牛米粉同烧汁冲绳牛炒饭，看你爱好，我个人热爱冲绳牛炒饭，因为炒得好有铁板烧店嘅感觉，冲绳牛煎米粉系好似中式嘅煎米粉底一样，冇谂过用呢个方法，不过要提一提呢碟冲绳牛好大件，真系不能错过。
睇完呢篇介绍，供应期有限，快啲订左位先。下篇再话俾你听呢间餐厅有咩其他好食嘅嘢。
张贴
