NUTMAD cafe and dining (已搬遷) 新店位置

餐厅位于观塘，好接近地铁站。餐厅由附近旧嘅工厂大厦转到新装修好嘅商业大厦，见到呢间咁有质素嘅餐厅扩展我都好戥佢地开心，其实佢哋系中西fusion菜，仲要性价比好高。宫保鸡丁辣椒意大利卷粉唔算太辣，佢用咗四川嘅𠮶种麻辣去炒意粉，所以食落口系麻香嘅感觉。个卷粉因为系向内卷住嘅，所以每条粉沾到嘅酱汁好多，加埋其他中式香料，好有fusion感觉，佢上面仲加咗啲炸咗脆脆地嘅虫草花，即刻提升左层次。松叶蟹件开心果香草酱意大利面大概系有半只蟹放咗喺意粉嘅上面，蟹肉几有口感，个摆盘好靓(不过你要用刀叉慢慢拆肉😂)，开心果酱同个香草酱沟埋一齐会食到少少开心果味，香草酱会出好多，因为佢有新鲜basil同埋几herby，感觉几 fresh。