影片
更多
2021-04-06
17469 浏览
The Lounge 下午第一回@Tea buffet一向都钟意系平日食Tea, 喜欢𠮶种忙里偷闲嘅感觉，今日约咗老公试JW Marriott The lounge 的tea buffet. 因为钟意佢嘅落地玻璃景观够开阳，要预早两至三个星期先book到近窗边嘅梳化位，如果迟book就要坐喺buffet吧枱隔离嘅bar 入面, 冇窗口景色，但就近buffet吧多啲lor. 我觉得食Tea buffet 来说，风景同食物系一个package嚟嘅，缺一不可，所以我当然唔会介意远离buffet吧枱少少，但系景色就靓好多啦！食物方面，相信好多foodie 都介绍过食物嘅种类, 我特别想介绍自己印象较深刻嘅几款，当中包括佢嘅中式汤面，我哋一人拎住一个大碗，可以自己选取想食嘅食材，分量及配料全部系自己选择，拣完之后就俾师傅同我哋整熟佢，只会比一个牌我哋，大概10分钟之后再返嚟攞，返去攞嘅时候师傅再问我哋要咩汤底，师傅会系𠮶阵时先会加汤底落碗面度，保证汤面唔会浸汤浸到软淋淋，我拣咗佢嘅鱼骨汤底，味道好鲜甜，特别拣咗佢嘅鱼蛋，粒粒都系椭圆形，同出面嘅唔同，食落弹牙新鲜，另外拣咗鲜虾水饺，好明显啲虾好新
一向都钟意系平日食Tea, 喜欢𠮶种忙里偷闲嘅感觉，今日约咗老公试JW Marriott The lounge 的tea buffet.
因为钟意佢嘅落地玻璃景观够开阳，要预早两至三个星期先book到近窗边嘅梳化位，如果迟book就要坐喺buffet吧枱隔离嘅bar 入面, 冇窗口景色，但就近buffet吧多啲lor. 我觉得食Tea buffet 来说，风景同食物系一个package嚟嘅，缺一不可，所以我当然唔会介意远离buffet吧枱少少，但系景色就靓好多啦！
食物方面，相信好多foodie 都介绍过食物嘅种类, 我特别想介绍自己印象较深刻嘅几款，当中包括佢嘅中式汤面，我哋一人拎住一个大碗，可以自己选取想食嘅食材，分量及配料全部系自己选择，拣完之后就俾师傅同我哋整熟佢，只会比一个牌我哋，大概10分钟之后再返嚟攞，返去攞嘅时候师傅再问我哋要咩汤底，师傅会系𠮶阵时先会加汤底落碗面度，保证汤面唔会浸汤浸到软淋淋，我拣咗佢嘅鱼骨汤底，味道好鲜甜，特别拣咗佢嘅鱼蛋，粒粒都系椭圆形，同出面嘅唔同，食落弹牙新鲜，另外拣咗鲜虾水饺，好明显啲虾好新鲜，好弹牙，一碗普通汤面已经做得好出色。
另一样令我印象深刻嘅系佢嘅牛扒，唔会硬到出晒力都咬唔开，而且入口即溶，半肥瘦咁，我食咗几around 都系食牛。
甜品方面，有任食嘅雪糕🍦，甜品就一般般，我觉得系酒店策略性地，将好食嘅甜品都放喺afternoon tea set, 因为我见到坐喺旁边食紧Tea set嘅食客，佢哋Tea set架上面嘅甜品, 系buffet吧枱完全无的， 等我出个第二会再试下先。
特别一提，餐饮我叫咗Latte, 苦涩味超重，苦涩味远远盖过奶味，我相信饮得Latte嘅人，唔会好想饮到超苦涩嘅咖啡味，但偏偏呢杯Latte 苦涩味重到我觉得有啲似煲㶶咗咁嘅味，原本好好嘅一餐，饮完杯咖啡个胃反而有啲唔舒服，咖啡绝对有改进嘅空间。
130 浏览
0 赞好
0 留言
张贴
