Artisan Lounge (已結業)

Artisan Lounge开左一段时间今次都系第一次试，因为竟然发现佢喺晚餐嘅时分有啲tea set食😌 今次试呢个tea set都几特别，系有啲日式既主题！咸点方面既鱼子酱立方都几唔错，鱼子酱嘅咸香同埋脆脆嘅面包立方几夹！照烧鳕鱼块配炸脆饼都几特别，鳕鱼嘅好滑，口感上同脆饼造成左对比，几香口。北海道带子配香印提子，提子既清甜竟然配上咸点都唔错。甜点方面，佢个日本白桃肉慕丝配梅酒果冻我自己都钟意，因为有啲酒香，酸酸甜甜都几开胃。红莓北海道芝士蛋糕芝士都几滑，细细件都唔会话好漏！另外仲有水上玄饼、日本士多啤梨千层蛋糕同和菓子等等，可以一解思乡之愁😀仲有半熟宇治抹茶挞同两款唔同味嘅松饼，所以都唔需要太担心话够唔够饱嘅问题！顺带一提Artisan Lounge嘅职员都好有善而且细心，系一个好好嘅体验😙