BELLAVISTA

营业中

休息中

啱啱喺启德Airside试咗一间叫Bellvista嘅墨西哥餐厅，真系要推介俾大家！呢度环境超Chill，可以拣坐室内定室外，最近呢排秋天凉浸浸，户外位真系正到爆，坐喺度食嘢又可以慢慢chill吓。前菜我叫咗芒果配大虾牛油果沙律，一上枱已经睇到啲食材好新鲜，沙律菜爽口，虾又大只弹牙，芒果仲要超甜，牛油果滑到不得了。每一啖都系唔同层次嘅口感，配埋𠮶个蜂蜜芥末酱，酸酸甜甜，好开胃。至于主菜，我拣咗墨西哥烤肉，可以拣鸡肉、牛肉或者两样混合。我叫咗鸡加牛混搭啦，铁板上枱𠮶下热辣辣，香味已经飘晒过嚟，啲牛肉同鸡肉烧得啱啱好，嫩滑又多汁。底下𠮶啲青椒、红椒、洋葱嘅配菜都炒得好香。最正当然系用玉米饼包住啲肉，再加埋牛油果酱、酸奶油同蕃茄沙沙酱，一啖落肚浓郁又清新，真系食到停唔到口。最后仲试咗个蟹肉意粉，啲蟹肉唔系得少少𠮶种，真系啖啖蟹，超满足！配埋罗勒香蒜酱，好香好滑，完全系终极叹享受。