影片
更多
2023-10-24
4667 浏览
系中环街市食过Chef’s cut 好多次，最好系唔驶等位而食物又多选择，前排得知airside开左分店都想试下。启德嘅朋友好多都已经试过，过左一个月，唔执输点都要去试一试，估唔到都几有惊喜。不过记得，呢间餐厅可能位置好，处于Mikiki同airside嘅一条天桥，可能好多人经过都识呢间餐厅，经常都见到排队好受欢迎，要食一定最好订位。基本上个个都会叫杂锦海鲜拼盘，用黎打卡最好，加埋仙气可能更抢镜，不过以阵容鼎盛嘅海鲜，加上多种不同配搭嘅酱汁，都系有诚意嘅作品，当中个最爱龙虾同带子，带子用上酸酸地嘅柠檬汁，吃得特别开胃。好多杯cocktail都好精美，我特别喜欢自己点的Long island，劲浓度的酒精，应该换得半晚安睡。先来个冬荫功鸡翼小食，唔辣而有浓郁的冬荫功香。前菜吃蕃茄水牛芝士沙律，全部食材都算新鲜，捞埋一齐最好。西班牙风味烤八爪鱼辣肉肠，烤得好有水准，八爪鱼沾上辣肉肠嘅味道，风味特别不同，呢个都系必点嘅前菜。南美式酸辣腌海鲜其实都系沙律咁，入面仲有好多油甘鱼、八爪鱼及海虾，沾上酱汁后，更加吸引，入面仲食到呢到嘅bakery，因为有好多面包在旁沾上个酸辣汁。前菜我个人最喜爱焗龙
启德嘅朋友好多都已经试过，过左一个月，唔执输点都要去试一试，估唔到都几有惊喜。
不过记得，呢间餐厅可能位置好，处于Mikiki同airside嘅一条天桥，可能好多人经过都识呢间餐厅，经常都见到排队好受欢迎，要食一定最好订位。
基本上个个都会叫杂锦海鲜拼盘，用黎打卡最好，加埋仙气可能更抢镜，不过以阵容鼎盛嘅海鲜，加上多种不同配搭嘅酱汁，都系有诚意嘅作品，当中个最爱龙虾同带子，带子用上酸酸地嘅柠檬汁，吃得特别开胃。
好多杯cocktail都好精美，我特别喜欢自己点的Long island，劲浓度的酒精，应该换得半晚安睡。
先来个冬荫功鸡翼小食，唔辣而有浓郁的冬荫功香。
前菜吃蕃茄水牛芝士沙律，全部食材都算新鲜，捞埋一齐最好。
西班牙风味烤八爪鱼辣肉肠，烤得好有水准，八爪鱼沾上辣肉肠嘅味道，风味特别不同，呢个都系必点嘅前菜。
南美式酸辣腌海鲜其实都系沙律咁，入面仲有好多油甘鱼、八爪鱼及海虾，沾上酱汁后，更加吸引，入面仲食到呢到嘅bakery，因为有好多面包在旁沾上个酸辣汁。
前菜我个人最喜爱焗龙虾芝士通心粉，龙虾唔会烤得太干，平时mac and cheese都会好饱，但呢个好清爽。
另一个打卡位系干式熟成黑安格斯肉眼扒、薯条、杂菇、香草牛油，个肉眼做得刚刚好，medium rare嘅感觉，仲有炸得好好嘅脆薯条，一定要必点的main course ，同埋你见到佢个熟成柜就知道佢哋嘅熟成能力一定有返咁上下。
牛背肋骨配蕃茄木瓜莎莎，个牛肋骨嘅质感有少少似牛面猪，虽然呢个未必有熟成处理，但那烟熏感觉都好令人满意。
全晚MVP系烤乳猪配红甜椒、坚果酱、水榄、车厘茄、薯仔，烤乳猪个皮，绝对同外间几间西班牙fine dining嘅水准无差别。
海虾蕃茄橄榄意大利面，基本功取胜，蕃茄汁用上新鲜蕃茄做嘅味道特别好，而意大利面的texture 更是刚刚好。
最后叫多个意粉先够饱，北海道带子海胆酱墨汁意大利面，剩系啲带子嘅晶凝通透同墨汁意粉嘅组合就抢晒镜，又系枱枱必点菜式。
甜品方面最突出系拖肥布丁蛋糕、干枣、云呢拿雪糕，少见而味道好出众，其他如焦糖香蕉、榛子雪糕，柠檬柚子挞配白朱古力黄豆曲奇配绿茶雪糕、牛乳薄脆、绿茶麻糬等也不错，如果你人多势众，四个甜品都可以叫来试下。
又系一个airside新餐厅好去处，特别适合多人，因为全部食物都好大份又唔算贵。
张贴
