Chef’s Cuts Restaurant & Bakery

营业中

休息中

好一段時間無出嚟AIRSIDE食飯啦。喺AIRSIDE食午餐，每人平均消費接近$200，唔可以成日食🙈不過一大班人出去食，又或者揸車的話，AIRSIDE就一定有位泊車，沿路又唔會塞車，而且大部份餐廳都一定有位。食過咁多次，都無試過要等位。今次已經係第二次食哩間餐廳。餐廳岩岩開嘅時候，晏晝時間係無套餐。直到上一次食嘅時候，發現餐廳晏晝時段都開始推午市套餐，今日帶埋啲同事陪我食多次😋套餐包前菜、主菜 同 飲品。前菜有湯 或者 巴馬火腿。主菜有8款，好多嘢揀，有沙律、薄餅、飯、意粉、漢堡、牛扒。當日餐湯係忌廉粟米湯，再配一片麵包。湯就麻麻地，似普通罐頭忌廉湯，而且粉漿好重手。麵包我估係餐廳嘅sourdough🥖Scallop Mushroom & Risotto ($188)帶子蘑菇意式燴飯意大利飯好香。飯面鋪咗3大粒帶子，帶子熟度煎得岩岩好。意大利飯醬汁濃稠度適中，唔會好漿口，亦唔會太creamy，食落唔會覺得好滯。Wagyu Beef Burger ($198)和牛芝士漢堡配薯條遠遠已經聞到香噴噴😋漢堡有芝士、生菜，仲有......酸瓜😖偏食人第一時間拎走佢🤪漢堡扒好juicy，肉汁仲滴

一入商場就會見到嘅餐廳每次都見到門口好多麵包好吸引今次終於入嚟坐低試吓 環境大又寬敞坐得舒服 裝修都好有特色✨✨.西班牙風味烤八爪魚辣肉腸 ($158)八爪魚彈牙可口 非常入味而且好開胃配鹹香惹味的辣肉腸 | 橄欖 | 車厘茄及薯仔估唔到咁夾 真的好好吃！大推大推！手切生牛肉他他 ($178)切得不太碎 保留口感之餘 更能吃到肉味肉質細嫩牛味濃 日本蛋令牛肉質感更順滑配黑蒜蛋黃醬 及 香脆鬆化多士北海道帶子海膽醬墨汁意大利麵 ($198)帶子大大粒好juicy 配海膽醬烹煮醬汁意大利麵掛汁而且毫無海膽腥味 唔錯乾式熟成黑安格斯肉眼扒 600g ($628)品嘗到經過長達21 天乾式熟成過程肉眼🤩牛肉特別軟嫩 減少了肌肉組織內多餘水份令肉味更豐富濃郁 帶骨又有份量配薯條及什菇 焗原粒蒜頭軟糯又香甜煙燻火腿羊奶芝士西班牙薄餅 ($168)香脆煙靭餅底 結合咸香十足的風乾火腿小量火箭菜等 羊奶芝士味道不會過於強烈拖肥布甸蛋糕 ($85)上面淋了拖肥醬 還有一球雲呢拿雪糕第一次試 意想不到原來好好吃 加上有冰熱口感 整體感覺有啲似心太軟

起初是被它甜品的造型吸引😝所以一早bookmark左黎airside一定要試~聖誕節翌日和朋友慶祝聖誕及生日，晚上20:00 walk-in，僅餘的一兩張枱，好好彩呢🎄🎄西班牙風味烤八爪魚辣肉腸 $158八爪魚軟滑彈牙🐙，用了辣肉腸調味，鹹鹹辣辣的😳伴菜用了小蕃茄、薯仔和橄欖，薯仔索了辣肉腸的味道，凍了會比較油膩，宜趁熱吃喔😚烤牛骨髓 伴紅酒燴牛肋，牛肝菌及多士 $188牛骨髓配了紅酒燴牛肋、洋蔥等配料，酸酸甜甜的，中和了牛骨髓的油膩感👍🏻配上脆脆的多士一同吃，油脂滿溢，齒頰留香🤤🤤🤤乾式熟成黑安格斯肉眼扒，薯條，什菇，香草牛油(300g) $388牛扒選了三成熟，表面有微微烤焦，切開中間很粉嫩🥩吃起來沒有筋，肉眼扒的牛味也不錯👌🏻👍🏻北海道帶子海膽醬墨汁意大利麵 $198帶子新鮮彈牙，煎過後味道香口，和朋友剛好一人一粒😝海膽醬味道不過不失，未去到十分濃烈，不過意大利麵份量挺多的~焦糖香蕉，榛子雪糕，拖肥汁，杏仁脆片 $78輕輕撥開杏仁脆片是一球榛子雪糕，榛子味道不是太濃烈，配搭香蕉蓉一起吃👀杏仁脆片薄薄脆脆的~不太吃到杏仁味，不過他覆蓋了整個甜品，令整個甜品增添了不少神秘感🤣拖肥布甸

聖誕假期必然有好多gathering見同幾個舊同學都未去過AIRSIDE，一於約埋去食返個快樂的聖誕午餐～～今次揀呢間Chef’s Cut環境唔錯，地方闊落，坐得幾舒服好啱邊食邊吹水食物選擇都算多元化，4個女仔揀咗1個沙律、1個前菜、2個主食同1個甜品share～沙律正正常常呢個係熱盤，八爪魚彈牙主食之一，帶子墨汁意大利麵，略嫌濕身咗啲另一個主食牛肝菌意大利雲吞好好食！但掛住密密食反而唔記得同佢影相綠茶甜品唔錯總括嚟講，味道未至於驚為天人。但係個幾好傾計嘅地方，中間侍應都好主動加水/換碟，可能唔係滿座，食完冇話想趕人走咁～

聖誕氛圍感滿滿的餐廳～☆.🎄.:*🛷°☆.🦌.:*🧣🌲個個星期去九龍城探完媽咪都會去Airside搵食～今次經過二樓比尼間餐廳門口嘅聖誕裝飾吸引到～再行入餐廳入面更加有氣氛～🌲🎄餐廳樓底都幾高所以坐低感覺好舒服～幾位店員都好熱情、服務周到～👍打開menu好多嘢都想試但因為得兩個人所以就order咗三樣嘢～👉600g House Dry Aged Black Angus Ribeye (乾式熟成黑安格斯肉眼扒)～外層煎得好脆且香口內層肉質又嫩又juicy～正正正😍👍😋🤤👉Coca Flat Bread Salmon (特色西班牙薄餅) ～ 配以毛豆、鷹嘴豆蓉及三文魚～口感豐富美味～😋😅😍👉Sticky Toffee Puddings (拖肥布甸蛋糕) ～ 店員推介～雖然好邪惡但好好味～好介紹～😍😋😅#Christmasvibes#airside

帶位個女侍應(戴眼镜同頭箍)西口西面，只係問佢一個bakery點餐問題，佢就黑面態度其差，食物質素都好一般，唔值呢個價，嗌咗杯咖啡黎到只有半滿，賣相亦差，和牛burger(7成熟)表面已經燶咗，入面仲好生。食完唔夠幾秒有個男侍應即刻收走個碟，間餐廳冇咩客但好似想趕你走咁。只有埋單女侍應態度較為正常。餐廳食物價格唔平，但感覺俾錢買難受，難怪下午時間隔離餐廳滿位，呢間餐廳就大把位。第一次食，一定冇下次！

第一次去啓德 airside 行吓，成個商場都有空間感，好闊落，好好行，行到咁上下又要搵好西食吓，見到呢間西餐好似好大間咁，想同朋友坐得舒服 d 可以吹吓水，就揀左呢間餐廳試吓。環境無得輸，一定係有番咁上下質素既餐廳，service 都好到位。白酒忌廉汁煮藍青口，白酒忌廉汁好香滑，啱啱好掛到汁係青口，唔會太稀，藍青口質地軟滑，唔會嚡口，成盤青口份量都好多，好似食極都仲有咁，好抵食。乾式熟成黑安格斯肉眼扒，我既至愛，必點牛扒，grilled 得好香，肉眼扒食落有滿滿肉汁又帶有牛扒香氣，都係好好味。仲有配菜既薯條，都無渣流攤，又脆又香口，食到停唔到口。絶對係可以 encore 餐廳之一。

裝潢吸引，侍應態度尚可，食物質素不似預期。反差太大，衝動要跟食客分享。主要針對食物質素。（1）意粉配以日式芡汁，好似公仔麵用嘅味精粉。（2）他他牛又乾又冰，多士唔熱唔脆。另外，隔籬枱有兩個嬸嬸叫咗七成熟牛扒，佢哋都批評牛扒唔夠熱、好嚡、似全熟。

發現好野! 🌟 佔地5000呎既Chef's Cut擁有迷人的環境和一流的美食。餐廳有招牌乾式熟成牛肉🥩，即叫即切即煮，烤牛扒入口即溶，蠔吧有多款生蠔，配白酒上碟特別，滿足晒視覺味蕾😍特別推介限定地中海雞肉串，好嫩好juicy，有驚喜，waitor會幫你係串到叉出黎，玩味十足；另外個白酒配生蠔set, 個presentation 好靚好打卡able，而且百幾蚊個set，隻蠔都算肥美，約會一定無甩拖!👌

每日早餐同午餐都必需要配一杯美式咖啡😋厚切嘅全麥麵包，咬落去有嚼勁又夠香，入面有煙燻三文魚，配埋新鮮嘅生菜同芝士，一口咬落去真係層次分明。 而且呢度朝早係好寧靜， 好岩我睇書📖

今次去啓德Airside試吓呢間Chef’s Cuts Restaurant & Bakery，裝修幾靚嘅入邊好有情調😆食物擺盤都唔錯😛食物方面都算唔錯😛帶子海膽醬墨汁意大利粉，帶子幾好食嘅不過就小左d海膽😬門口位置有麵包櫃，麵包系幾吸引食飽行過可以買黎試下、不過20:00就收工。✨慢煮黑豚斧頭扒 蘋果醬 酸忌廉薯仔✨北海道帶子海膽醬墨汁意大利麵✨海蝦番茄橄欖意大利麵✨招牌香脆雞翼✨乾式熟成黑安格斯肉眼扒 、薯條 、雜菇 、香草牛油✨特色素菜西班牙薄餅#Chef’s Cuts Restaurant & Bakery（啓德）#九龍城啟德協調道2號AIRSIDE 2樓L201號舖營業時間：08:00-22:00

我哋去到，由一個望落好高級既女職員帶位第一個餐黎到，食咗兩啖，上面倒水咁漏水落嚟，老公背脊濕晒，全場職員無動於衷，直到我哋同職員示意，先幫我哋調位，全程一句唔好意思同道歉或者關心都冇，好似當冇事發生過咁樣埋單個陣，我哋問職員「頭先倒水咁樣你哋知道發生咩事架可？」職員話waive兩杯咖啡嘅錢，我哋話要同經理對話，到呢個時候都冇一個職員表達過唔好意思跟住有個男職員過黎，話自己係Assistant Manager，比咗經理咭片我哋話經理唔係店內我哋再問一次佢知唔知頭先倒水咁樣，佢話知道，我哋話覺得餐廳處理手法好有問題到而家我哋埋單都冇一句唔好意思，佢先講唔好意思，同埋話可以為我哋免單，我哋拒絕咗，冇諗過一句唔好意思都要係我哋講到出口要求先聽到講返野食牛骨髓多士：好食帶子海膽醬墨汁意粉：有啲鹹，意粉唔彈牙好易碎，但帶子整得幾好

朋友帶我去新餐廳慶祝生日，試左煙三文魚蝦蛋沙律，龍蝦通粉好味，生牛肉他他好有質感，慢煮牛排質感太柔軟太淋，帶子墨汁意大利粉帶子鮮甜，另外再叫咗兩款甜品，生日仲送即影即有相

高質西餐同朋友慶祝生日去咗airside試新野，餐廳裝修都好靚，配埋朋友聲稱嘅呼吸燈(?)慢慢一時光一時暗，好有feel😆成個Menu都好吸引，尤其是前菜，真係有選擇困難症🙈Chef's cuts芝士凍肉拼盤$168四款唔同嘅凍肉，再加上3款芝士，配埋橄欖同埋多士，唔錯唔錯 黑松露芝士薯條 $88非常之鍾意食薯條嘅，我去到餐廳見到前菜有薯條基本上都會嗌，仲要係黑松露，正呀! 好香好味手切生牛肉配黑蒜蛋黃醬、多士 $178大推！生牛肉配上佢呢個醬令到味道上再提升，多士亦都非常之脆同本身都有少少味，兩者加埋一齊食好正！慢煮黑豚斧頭扒配蘋果青醬、酸忌廉薯仔 $268呢個黑豚斧頭扒煮得好腍，一啲都唔會有豬扒好硬嘅感覺，切開仲有淡淡嘅粉紅色，係食過數一數二嘅斧頭豬，配埋個果醬好清新北海道帶子海膽醬墨汁意大利麵$198一嚟到見到呢碟真係好啱打卡用，有三大粒帶子，仲有一堆三文魚籽，個海膽醬都好好味，一啲都唔會腥檸檬柚子撻配白朱古力同雲呢拿雪糕$85以甜品作為一餐嘅句號真係好滿足，知道我哋係安排慶祝生日，雖然冇得手寫Happy birthday喺碟，但係店家有生日牌以供選未擇，大約有10款可以揀，呢一

三個人叫咗兩個前菜兩個主菜加兩個甜品開一支酒同埋三杯happy hour時間order嘅wine . 埋單1900百幾價錢中上但係侍應服務嘅質素就可以再進步多啲其實體驗到侍應係希望介紹多啲嘢比食客，但係似乎態度語氣就唔係咁理想。雖然中間亦都好頻密，幫我哋換碟，以免味道影響下一碟嘅餸菜。不過當我哋食晒之後，佢就好似想趕客走收工咁，我哋都未叫埋單就攞張單俾我哋。實情時間9點半點都未夠加上奇奇怪怪門口嘅就係外籍講英文嘅侍應，好似門面好高級咁。但係入到去就全部都係廣東話嘅侍應。座位嘅擺設都唔係咁高級，同普通西餐廳分別不大。食物係除咗生牛肉他他比較理想高質，其他都唔係10分特別。而其實生牛肉他他都有少少筋，多士麵包亦都太燶。如果去開呢頭開飯就不妨一試，但係我就覺得無需要特別去食。