影片
更多
2022-06-05
2530 浏览
约咗星期日去参观 M+ 博物馆，入场前先嚟圆方食个 Early Lunch。喺 Premiere Cinemas 旁边揾到间叫「Alimente」嘅食肆。细看门外餐牌，原来餐厅主打健康营养盖饭 同 西餐，食物选择好丰富，而且大部份嘅菜式都好啱我哋口味，今日就一于喺呢度用餐。餐厅嘅环境好舒服，宁静优雅，配以室内嘅植物摆设，好有渡假 feel。我哋点咗个香烤三文鱼 Power Bowl ($118) 同 茴香春鸡 ($128)，另外再加咗份小食：芝麻蜜糖鸡翼 ($48)，每份 Set Meal 都会包一杯果茶及一份餐汤或沙律。三文鱼盖饭可以自选饭底，有白米+红米、糙米、什锦饭或沙律可供选择。至于用料方面，除咗粉嫩嘅香烤三文鱼外，仲有牛油果、南瓜、甘笋、薯仔、粟米、红腰豆、洋葱丝同鸡蛋，大大碗，分量十足。睇下碗 Power Bowl 嘅卖相几吸引，色彩缤纷，再 mix 埋餐厅自家制嘅酱汁、面头洒上嘅黑白芝麻同杏仁片，口感非常丰富，啖啖清新，够晒醒胃！至于另一客茴香春鸡味道亦唔输蚀，鸡肉烤到皮脆肉嫩，味道好香浓，而且入口仍保留丰沛肉汁，再配埋滑溜嘅薯蓉、甜美嘅车厘茄及爽脆嘅三色椒，令整个菜式生
约咗星期日去参观 M+ 博物馆，入场前先嚟圆方食个 Early Lunch。喺 Premiere Cinemas 旁边揾到间叫「Alimente」嘅食肆。
细看门外餐牌，原来餐厅主打健康营养盖饭 同 西餐，食物选择好丰富，而且大部份嘅菜式都好啱我哋口味，今日就一于喺呢度用餐。
餐厅嘅环境好舒服，宁静优雅，配以室内嘅植物摆设，好有渡假 feel。
我哋点咗个香烤三文鱼 Power Bowl ($118) 同 茴香春鸡 ($128)，另外再加咗份小食：芝麻蜜糖鸡翼 ($48)，每份 Set Meal 都会包一杯果茶及一份餐汤或沙律。
三文鱼盖饭可以自选饭底，有白米+红米、糙米、什锦饭或沙律可供选择。至于用料方面，除咗粉嫩嘅香烤三文鱼外，仲有牛油果、南瓜、甘笋、薯仔、粟米、红腰豆、洋葱丝同鸡蛋，大大碗，分量十足。
睇下碗 Power Bowl 嘅卖相几吸引，色彩缤纷，再 mix 埋餐厅自家制嘅酱汁、面头洒上嘅黑白芝麻同杏仁片，口感非常丰富，啖啖清新，够晒醒胃！
至于另一客茴香春鸡味道亦唔输蚀，鸡肉烤到皮脆肉嫩，味道好香浓，而且入口仍保留丰沛肉汁，再配埋滑溜嘅薯蓉、甜美嘅车厘茄及爽脆嘅三色椒，令整个菜式生色不少。
鸡翼一客有 5 只，面头洒上了黑白芝麻，食落肉质好嫩滑，入味得嚟更带阵阵蜜糖嘅甜香，啖啖滋味，绝对值得一吃。
张贴
