The Flying Pan (已結業)

远系读书年代，就已经帮衬中环呢间flying pan，贪佢开廿四，饮完野无车番屋企有个地方坐，而且唔止老麦咁少选择，大大碟咩都有。呢日预约左参观大馆，未够参观时间就医下肚先，横掂全日都系呢一带活动，左谂右谂不如食flying pan。每次入黎都有选择困难，因为样样都好想食，最后二人叫左个奄列（烟三文鱼，cream cheese，蕃茄同洋葱）多士转pancake sides 拣左薯仔同栗米粥。个碟本身好大个，个奄列就有成半个碟咁大，而且好足料，啖啖三文鱼，配cream cheese太邪恶以前食pancake系两小块咁，而家就一个中型碟分开放，呢件pancake有少少散，但是加左牛油同蜜糖依靠好味除左个奄列，仲叫左grilled cheese sandwiches配mushroom，其实佢有好多野可以配，不过烘过嘅厚多士配浓厚嘅芝士再加简单嘅磨菇，已经非常美味。餐牌话佢加左五种芝士，加上juicy嘅磨菇，其实最简单嘅野就最易令人满足。今次再光顾都无令人失望呀。