Cafe 360 (已結業)

放假无无聊聊，就约左朋友去港铁站附近既cafe 360叹返个European All Day breakfast，铺头装修唔错，气氛都几好，座位又舒服既餐厅!All Day breakfast包括有法国牛角酥，都几大个，整得好松脆唔错，牛乳炒滑蛋d蛋好滑嘟嘟又好香蛋味好好食，香烤鸡扒虽然唔系好大块，但腌制既味道都唔错，同煎得黄金香脆都几好味，芝士焗肉酱螺丝粉，螺丝粉口感唔错唔会太硬太淋，肉酱份量够晒捞螺丝粉黎食，调教既味道都几好，系芝士唔够多，如果再多d会更好食! 最后加多柸红豆冰，红豆冰甜度岩岩好，又唔会净系得阵奶味，红豆都够淋，饮完仲有得食埋，lee餐真系够晒饱!