冚棒唥 (昌華商業大廈) (已結業)

原先俾门面设计吸引我停下脚步。望高啲，餐厅名都几特别，冚棒唥，即系咩都有？ 就入去试试。餐厅内有好多汽车的小摆设，墙上挂上几幅油画，挂上for sales小牌仔，不过冇打价钱。话咁快店员端来一杯cappuccino 和一杯特饮，左望右望，又真系咩都有啲，叹住咖啡等主菜。今日最大惊喜系 all day breakfast。 单系满满一碟嘅卖相已经好高分。放中间的大啡菇，切开看见入面放满goat cheese， 配合上面一层香脆可口嘅mozzarella cheese， 味道浓而有质感。香蕉做法也有别于传统，上面加上焦糖，不得了，简单而十分好味。小小一块吐司都处理得恰到好处。 原来，这里食物水准比餐厅设计更加有惊喜。朋友选了意粉，有大菇、干蕃茄、芝士、香草，食材新鲜又足料，一样做得出色。食得开心嘅一餐。