安南 (又一城) (已結業)

又一城安南的越式 high tea set 最近转咗 menu，而家因为无晚市堂食，所以 11am-6pm 全日供应，$328+10% for 2 persons，3pm 后下午茶时段入座有八折。小食有五咸五甜，另外每人半只烧大头虾，每人仲有一大碗粉，除咗招牌牛河之外，一定要试蟹仔肉番茄汤粉，个汤好饮到一滴都无剩，劲大碗，好饱肚，仲包两杯饮品，超抵食。咸点最好食系虾多士同蒜蓉牛油鸡翼，软壳蟹米纸卷大大件好足料，烧大头虾虽然唔系好大只，但虾头劲多膏，好甘香，越式萝卜糕无乜特别。甜点最爱法式焦糖焗蛋，又香又滑，西米斑兰糕都系我的至爱，清香软糯，大爱。我见大部份人都坐喺望住溜冰场𠮶边，室内反而好冷清，不过我钟意静静地倾偈一流。