Running 燒 (已結業)

开始健身之后都不断谂有咩餐厅可以大量吸收蛋白质，韩烧系一个唔错嘅选择。我今次平日晚市$278一位。一入到去各位姐姐都非常热情，好快帮我哋set好个炉仲俾咗个萝卜我哋。一开头以为个萝卜系食嘅点知原来系用嚟清洁个炉。 都算系大开眼界完全唔知道萝卜有咁嘅功能🤣酱料呢度系自己拎嘅几推荐佢嘅甜酸烤肉酱。亦都有多款多款汽水选择。我唔系好饮酒所以就冇拎到。一开头叫咗牛五花，西冷牛肉片同西施牛肉片。 个人唔太钟意食肥牛，反而钟意多啲肉嘅西冷牛肉片。 作为健身人士一定系食鸡肉， 叫咗多款唔同种类嘅鸡肉。 佢有唔同嘅调味酱料我自己觉得辣味系最好食嘅。食到有啲制之后带咗碗阿猪妈靓汤，其实系红萝卜汤嚟嘅，清清地几好。亦有叫到啲泡菜同生菜包肉食，食落冇咁油腻。自己唔食煎炸野但朋友叫咗炸鸡同鱿鱼须，佢话都几好食。最后有支雪条，芒果味雪条几吸引，佢仲有其他melon牌嘅韩国雪条。成餐都食到好饱。