Food Combo (已結業)

All day breakfast好丰富！有烟肉、香草肠、焗豆、黑松露炒蛋、沙律、蒜蓉多士、南瓜薯饼。炒蛋好似好普通咁，加咗黑松露即刻「升呢」！入口好香～炒蛋上面重放左大大粒嘅蕃茄，一咬d流就「咇」晒出黎！蒜蓉多士因为有蒜蓉，烘得又香又脆。食完炸薯饼同埋煎过嘅烟肉食番沙律正好可以清下口、解下腻。Combo小食拼盘同样丰富，有芒果大虾沙律、南瓜薯饼、蘑菇薯蓉和薯条和鸡翼。尤其喜欢芒果大虾沙律，芒果超juicy，上面有d炸蒜，甜中带咸，食落香口。新鲜大虾预先剥左壳，啖啖肉，食得好方便！呢度罕有地用上大白菜做沙律菜，好爽脆！蘑菇薯蓉又系惊喜之作。因为卖相同咖喱牛腩有d似，几可乱真！因为酱汁份量多到盖过薯蓉。蘑菇多汁而且有菇嘅鲜味。薯蓉够滑。薯条炸成金黄色，热辣辣，外脆内软。薯饼旁有酱汁可点。见枱面有餐牌写住凤梨冰推广价$22，天气开始热，好想饮下冻饮，就试下啦。一上枱我就觉得自己冇嗌错啦。好大杯！重有几片菠萝，真系好抵饮！饮一啖冰凉菠萝冰，再食埋酸甜多汁嘅菠萝片🍍，令我暑气全消～🥰菠萝冰系绝佳嘅消暑饮品👍🏻(p.s. 只饮管印有菠萝图案，好match杯饮品！)