316
51
13
等级2
12
0
First thing first~ 想喺呢度趁机同摄影师友人 R. Lee讲声多谢, 帮呢餐饭影左咁多咁靓既相, 成功地将最完美一刻定格~ 望住啲相在下觉得好惭愧, 同在下平时影果啲真系天与地… 事后佢仲要懒谦虚话今次已经影得唔太好, 哗! 真系难听过操口… Any肥, 在下由衷感谢!由于之前一直忙碌, 执笔写呢篇野既时候餐饭已经过左三个月, 所以记忆不再犹新~ 唉, 由小学到而家都相信同一个大话: I can remember it, I don’t need to write it down~ well~ 咁咪濑野啰~ 真系鬼记得咩… 点都好… 在下尽最大努力勾起回忆.<餐厅来头> 先简介呢间野, 有饮食界奥斯卡之称既Restaurant Magazine 50 Best Restaurants 喺在下食饭前几日刚刚出炉, 成个香港就只有Amber上到榜, 仲拎埋全球第二十名, 算得上系全香港排名第一既餐厅, 呢啲咪就系叫傲视同侪啰~ 的确, 在下叫有福气试过香港大部份高级法国菜: Pierre, Spoon, Caprice, Gaddi’s, Robuchon
更多
First thing first~ 想喺呢度趁机同摄影师友人 R. Lee讲声多谢, 帮呢餐饭影左咁多咁靓既相, 成功地将最完美一刻定格~ 望住啲相在下觉得好惭愧, 同在下平时影果啲真系天与地… 事后佢仲要懒谦虚话今次已经影得唔太好, 哗! 真系难听过操口… Any肥, 在下由衷感谢!

由于之前一直忙碌, 执笔写呢篇野既时候餐饭已经过左三个月, 所以记忆不再犹新~ 唉, 由小学到而家都相信同一个大话: I can remember it, I don’t need to write it down~ well~ 咁咪濑野啰~ 真系鬼记得咩… 点都好… 在下尽最大努力勾起回忆.

<餐厅来头>

先简介呢间野, 有饮食界奥斯卡之称既Restaurant Magazine 50 Best Restaurants 喺在下食饭前几日刚刚出炉, 成个香港就只有Amber上到榜, 仲拎埋全球第二十名, 算得上系全香港排名第一既餐厅, 呢啲咪就系叫傲视同侪啰~ 的确, 在下叫有福气试过香港大部份高级法国菜: Pierre, Spoon, Caprice, Gaddi’s, Robuchon, 比起佢地, Amber喺食物呢一个环节真系抛离佢地一大段距离 (Robuchon 可能近少少)…

<用餐简介>

利申: 除左食客身份, 在下仲带著 "Ex - Intern" 既身份黎帮衬, 所以在下唔排除餐饭既Review多左主观因素同私人感情, 咁系咁架啦, 食野本身就系一样好主观既野黎, 系有偏见架啦~

未知巧合定有心, 餐厅安排左全餐厅最靓既枱俾在下, 角位枱四人梳化, 坐得舒服又够私隐, 在此感谢Amber既细心安排. P.S. 其实餐厅每张枱都唔错 (枱够大而且枱同枱既距离好充足), 绝对唔会遇上 “屁屁位”, 只系十只手指唔会一样长. (屁屁位惨痛经历请参考湾仔福临门既Review),

<叫野食>

逢礼拜六日同公众假期既Lunch就只有一个menu - Weekend Wine Lunch (6道菜配4杯酒既套餐), 虽然睇住佢由$600几加到而家既$900几, 涨价超过5成, 不过谂深一层, 一千蚊唔驶就食到 "全港第一", 都算抵既! (老实说, 如果喺楼上果几间法国餐厅叫埋酒, 其实价钱都同呢度睇齐, 或者仲贵啲添~)

6道菜套餐包一道前菜, 一道Middle Course, 一道主菜, 芝士拼盘, 再加2款指定甜品. 餐前仲有几款小食Amuse Bouche, 加上源源不绝既自家制面包, 最后仲有petit four 同埋咖啡茶, 其实系好多野食, 一千蚊per  head一啲都唔算贵. 另外要注意用餐时间, 咁样食法冇2个钟都走唔到… 其实2个钟系minimum  (在下足足食左三粒半钟)

<FOOD COMMENT>

Menu: Weekend Wine Lunch

price: $928 per person

Bread Basket

面包篮


好味指数: 4.5/5
Bread Basket
184 浏览
0 赞好
0 留言
大约有三至四款, 试左Baguette 同Sourdough 薄脆, 配埋法国牛油, 味道还不错~ 可惜既系已经见唔到在下最心爱既olive focaccia, 想当年在下做intern, 都不知偷食左几多个~ 最后完左intern后肥到啊妈都唔认得…

但都系果句… 若论Bread Basket, L’ Atelier de Joel Robuchon 赢晒, 仲要连车尾灯都见唔到果只…

Amuse Bouche 

好味指数: 4.5/5
Amuse Bouche
206 浏览
0 赞好
0 留言
Amuse Bouche
233 浏览
0 赞好
0 留言
Amuse Bouche
222 浏览
0 赞好
0 留言
送既敬菜一共有四款, 一坐低侍者就奉上一杯乌龙茶fusion tea, 用黎清一清口腔, 定一定神, 至于味道? 咪系乌龙茶啰~ 呵呵~

紧接住仲有鸡蛋仔, 芝士饼 (呢个好好味, 因为芝士香实在太澎湃了, 喺口中久久不散), 同埋什菜脆块. 不过在下仲系怀念以前既名物 – 鹅肝珍宝珠, 个个对佢都有赞无弹, 讲笑者, 点会无弹, 弹咩? 弹每人一粒唔够喉啰!!! 但近年已经不见其踪影了, 在下强烈要求俾佢复出!!!

Appetizer

Oyster (推荐!!!)


好味指数: 10/10
Oyster
168 浏览
1 赞好
0 留言
Oyster
220 浏览
0 赞好
0 留言
Oyster
143 浏览
0 赞好
0 留言
前菜四简一, 本身想试一试新菜式kohlrabi (取代左以前既另一个名物- sea urchin), 不过旧同事极力推介呢个oyster菜式, 咁人地诚意推介, 在下冇理由唔试架?

菜式做法特别, 上到枱见唔到只蚝, 碗中剩系有一块绿色薄冰, 上面仲 “吱”左少少酱汁. 原来宝物沉冰底, 食客需要将块冰整碎然后捞埋只蚝黎食. Bite Size蚝既质素唔驶多讲, 鲜甜清爽, 带轻微既海水同金属味, 靓野嚟! 配埋青苹果薄冰既清香同冰冷感觉, 成件事超级refreshing, 味蕾当堂醒晒!

Wine Pairing: White Wine - Sauvignon Blanc

Middle Course

Cuttlefish - a la carbonara with quail egg yolk, charred pearl onions, smoked alsatian bacon (推荐!!!)


墨鱼 – 卡邦尼汁配鹌鹑蛋黄, 珍珠洋葱, 烟肉


好味指数: 10/10
Cuttlefish
150 浏览
0 赞好
0 留言
Cuttlefish
164 浏览
0 赞好
0 留言
Middle course 依然系海鲜菜式 - 墨鱼. 又系神龙见首不见尾, 望落去又系连一只墨鱼都见唔到, 剩系得啲扁意粉… 而呢个就系重点, 墨鱼不见黑鱼, 意粉不是意粉, 有点玄吧? 因为佢啲扁意粉系用墨鱼做架!

第一次接触呢个概念系细细果睇卡通片既时候, 有套野叫中华一番, 主角刘昴星打大佬其中一关既考题- 面 非面, 当时佢用鲶鱼去做呢道菜式. 呢种咁特别既做法在下食过3次,  第一次系喺威尼斯两星餐厅MET, 卡通片情节首现眼前, 惊喜万分, 亦怀念至今. 第2次系喺东京既TAKAZAWA, 果次啲“面”就唔系用鱼整, 而系用新鲜带子, 味道鲜甜无比, 唯欠 al dente既口感. 而今次喺Amber则用上墨鱼, 补番弹牙感觉, 嘴嚼之时亦渗出淡淡墨鱼味. 正正正!

卡邦尼汁泡泡偏向淡身, 旨在吊味同丰富层次, 系一块出色既绿叶, 衬托主角墨鱼面而非抢佢戏份. 配菜仲有超甜既烤洋葱同罪恶烟肉, 认真讲句, 真系好味到晕底… 唯一要弹既系份量… 法国菜真系法国菜, 完全唔够喉…

题外话, 当时套卡通片既主角, 系用鱼肉包住墨鱼芯黎整”面”, 口感鲜味同时拎满分, 不过… 现实还现实, 卡通还卡通…

正当在下陶醉紧喺呢道面 非面既时候, 友人突然爆左一句... 咁咪即系四海吱吱鱼肉面啲朋友... 我顶... 美丽幻想瞬间幻灭, 成件事cheap 晒.... 笑左

Wine Pairing: White Wine - Chardonnay

Main Courses

Pigeon "au snag" - breast pan roasted on it carcass, leg & cereal "cromesqiu"; chiogga beetroot cooked and puree; pigeon jus with vadouvan spices  (推荐!!!)


法国乳鸽 (煎鸽胸, 鸽腿炸球, 红菜头)


好味指数: 10/10
Pigeon "au snag"
171 浏览
0 赞好
0 留言
Pigeon "au snag"
166 浏览
0 赞好
0 留言
Pigeon "au snag"
185 浏览
0 赞好
0 留言
在下曾经讲过, 倘若去一啲高级既法国餐厅, 如果餐牌上有飞禽类 (例如鸭, 鸽, 鹌鹑 – 鸡除外…), 佢地通常都会系在下既首选, 因为最易俾到惊喜, 其次会简羊架.

侍者一放碟野落枱, 已经吸晒睛! 真系靓到 “dum” 一声, wow, it is an Art Piece!!! 呢啲时候要用洋文先表逹到内心既喜悦~

鸽胸煎到恰到好处, Medium rare, 而鸽腿肉就切成肉碎, 炸成一个小肉球再加少少谷物, 配菜为一系列既红菜头菜式. 先讲只鸽, 食之前点少少鸽肉汁, 香味同味道瞬间提升, 而亮点系个texture, 嫰到一个点令人难以相信食紧既系胸, 呢啲就系在下所讲既惊喜, 遇到好食既野好多时候会问How – 佢点做到架呢? 但去到呢啲级数, 系会转问Why – 点解会咁幸福? 相比起Petrus 既鸡胸, 呢度处理得好几条街. 切左少少鸽胸俾友人, 佢都赞不住口, 然后就开始失落, 后悔简左牛而冇简鸽.

由于胸肉光茫太强烈, 已经覆盖一切, 剩低既鸽腿球同配菜在下已经零印像.

Wine Pairing: Red Wine - Barolo

Veal Shank - braised on the bone, crispy beef head with green asparagus & black winter truffle potato mousseline
烩牛仔膝肉, 炸牛面珠肉, 露荀, 及黑松露薯蓉


Supplement: $138
Veal Shank
157 浏览
0 赞好
0 留言
Veal Shank
$138
150 浏览
0 赞好
0 留言
友人既主菜要额外加钱, 但似乎出黎既效果反而冇咁好. 轮卖相, 牛仔输比只鸽一条街. 至于味道, 在下今次好乖冇打税 (反正自己既主菜靓咁多, 呵呵~ 无谓落井下石), 根据友人描述, 味道不过不失, 没有惊喜.

Cheese

French Cheese  (推荐!!!)


精选法国芝士


好味指数: 10/10
French Cheese
147 浏览
0 赞好
0 留言
一共有五款芝士, 芝士切得慷慨, 先记一功! 侍者好有耐心介绍每一款, 比如黎自法国边一个地区, 用牛奶定羊奶整, 之类之类, 可惜在下记性愈黎愈差, 当佢介绍到第三款既时候其实在下已经唔记得第一款系咩野, 总之去到最后在下问番侍者应该由边一只食先, 确保顺序就好了.

味道由淡到浓, 由亲民到难顶, 而个range都几阔 (难顶果只真系有啲哽~), 在下系芝士控, 只只都咁欣赏, 每啖都津津有味, 而友人食到第三款就举白旗, 剩低既当然系收归在下肚腩~

以前呢度serve芝士会推架车仔出黎, 喺你面前慢慢切, 或者咁做真系太费时失事, 而家切好晒放上木碟直接落枱. Anyway, 另外有样野要赞一赞, 唔知系pat pat撞棍定餐厅如此细心, 用Sharing Plate黎serve呢道芝士. 大家都知道香港食客并非个个都系法国芝士既粉丝 (友人就系好例子), 如果每人自己一碟, 33%会出现一方食唔晒夹俾其他人, 33%会己所不欲, 勿拖于人然后自己哽埋佢, 最后苦了肚皮, 唔呕当赢, 33%系暴殄天物… 而家摆喺中间大家分享, 浅尝也可, 鲸吞也可, 悉随尊便~

Dessert

Heirloom Carrots - confit with & orange blossom honey, carrot cake; segments, zest, sorbet of blood orange
复古萝卜 (蜜糖烘煮, 萝卜蛋糕, 血橙雪皅)


好味指数: 8/10
Heirloom Carrots
194 浏览
0 赞好
0 留言
Heirloom Carrots
161 浏览
0 赞好
0 留言
又系一系列用同一种食材整出黎既菜式 (似乎而家好兴呢种玩法) 今次主角系萝卜, 卖相系精美既, 成碟野有暖有冻, 加上唔同煮法有唔同texture, 又蛋糕又雪皅又puree, 成件事俾人感觉好丰富.

Opals - white chocolate cream with raw grated, preserved & jel from lime; crispy tuile with line custard & cold infused coffee ice cream
白朱古力忌帘配青柠啫哩, 咖啡雪糕


好味指数: 8/10
Opals
135 浏览
0 赞好
0 留言
法国菜, 埋尾一定要有朱古力, 对在下黎讲, 就好似跳水要压水花, 冇话一定要有, 但冇既话唔完美啰~ 拎唔到十分啰~ 话之你之前喺空中前空后空翻左几多度.

可惜既系在下麻麻地白朱古力, 当在下肤浅吧, 在下认为白朱古力唔算系朱古力, 正如熊猫唔系猫一样… 仔细味道在下真系唔系太记得, 依希记得算系好食既, 只系少左朱古力应有既可可香味, 水花压唔够, 遗憾是也.

不过友人唱反调, 十分欣赏呢个甜品, 话白朱古力搭青柠搭咖啡呢个mix and match特别得黎又夹得好好味!

Petit Four - Green Apple Sorbet; Chocolate Gananche; Raspberry Cheese Tart; Nougat

美点双辉 – 青苹果雪皅, 朱古力挞, 红桑子芝士挞, 鸟结糖


好味指数: 5/5
Petit Four
198 浏览
0 赞好
0 留言
Petit Four
218 浏览
0 赞好
0 留言
Petit Four
158 浏览
0 赞好
0 留言
埋尾既美点双辉都唔马虎, 先上青苹果雪皅, 为一餐咁full既午宴清下味蕾. 再黎就系朱古力浆配红桑子 (香浓朱古力味, 唔会过甜), 红桑子芝士挞 (饼厨细心喺粒红桑子里面放左少许糖浆, 食落去唔会过酸), 同埋鸟结糖 (因为有大量既开心果同其他果仁, 好香好好食, 又唔太痴牙, 正!)

<DRINK COMMENT>

Wine Pairing

套餐一共包左四杯酒, 坐低一杯香槟, 前菜生蚝同middle course墨鱼面各配一杯白酒, 而主菜就跟左杯红酒. 每款酒都经过酒师精心挑选过, 质素绝对有保证, 而佢地仲match到落啲𩠌度. (Well… wine pairing其实系一种好高深既野, 好可惜, 在下连皮毛既知识都冇, 真系识条毛咩… 不过, 起码你食完旧野, 饮啖酒, 唔会觉得 “哗~个味道咁怪既???” 咁在下当pair到架啦~ 最最最记得系杯红酒好好饮, 黎自意大利既Borolo, 单独饮已经觉好正, 同只鸽更加衬到一绝.

Sparkling Water - Saint. Pellegrino

Price: ~

Cappuccino

Price: included
Cappuccino
169 浏览
0 赞好
0 留言
由于唔系由好朋友F. Cheung所冲, 所以杯野饮只属聊胜于无水平~

<OVERALL COMMENT>

野食野饮COMMENT


食物味道, 卖相, 份量, 都无可挑剔, 真系连喺鸡蛋里都剔不出骨头, 由前菜到甜品都系高水平之作, 而生蚝, 面非面, 同乳鸽都俾到惊喜! 唯一既遗憾系甜品唔太啱在口味, 唔系弹佢味道, 只系纯粹跟在下磁场唔夹. 以食物质素黎讲, 唯一可以同Amber争长短既, 在下认为只有 L’ Atelier de Joel Robuchon, 剩低既例如Caprice, Gaddi’s, Spoon, 等等等, 真系可以用 “望尘莫及” 黎形容.

环境COMMENT


贵为两星米芝莲同香港第一, 用餐环境当然冇得输, 坐得舒服装修靓不在话下,  天花板果两千几枝钢管更彷如一件大型艺术装置. 枱同枱之间既距离感十足, 虽则全院满座, 但一啲都唔觉吵闹.

唯一小小小小缺憾, 适逢夏季7月, 放喺餐厅既鲜花无可避免地有蚊滋, 唔多, 一千零一只咁大把, 亦都系只系扰攘左大概10几秒, 不过, 呢啲事情唔应该会喺 “香港第一” 发生.

服务COMMENT


唔系卖花赞花香, Amber既服务一向属于高水平, 细心, 礼貌, 又有笑容, 纵使佢系一间高级食府, 同样能够令你感到好warm, 一啲都唔拘紧. 值得赞下既系两位外籍人士 – Restaurant Director 同 Assistant Manager ,前者风趣幽默, 后者笑容满分, 为呢餐饭添加不少色彩.

唯一少少defect系另外几位侍者可能比较green, 冇咩直接deal with客人既经验, 所以喺介绍菜式时有少少紧张, 讲到甩甩咳咳 (同以前既在下一样, 第一次出大厅同客人讲解菜式, 脚震又口窒, 所以在下表示理解.)

戴定硕盔先, 并唔系手指拗出唔拗入, 倘若平心而论, 半岛Gaddi’s 同 L’ Atelier de Joel Robuchon 既服务的确比Amber做得更出色, 更加能够将 “Professional” 呢只字演绎得出神入化.  

值唔值?


二千三百大洋喺香港食餐晏可能有大把选择, 但要食物质素咁高, 杯酒又靓, 又有名气既餐厅, 真系好难揾到. 所以呢度既lunch系超值!

最后, 再次多谢友人R. Lee充当摄影师, 拎左部成皮几既单反黎赴会, 成餐饭又影相又拍片, 渣机又系佢, 旁白又系佢, 食客又系佢, 真系自编自导自拍自演~ 些些~
 
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2016-07-09
用餐途径
堂食
人均消费
$1150 (午餐)
推介美食
Bread Basket
Amuse Bouche
Amuse Bouche
Amuse Bouche
Oyster
Oyster
Oyster
Cuttlefish
Cuttlefish
Pigeon "au snag"
Pigeon "au snag"
Pigeon "au snag"
Veal Shank
Veal Shank
$ 138
French Cheese
Heirloom Carrots
Heirloom Carrots
Opals
Petit Four
Petit Four
Petit Four