Urban United Burger & Bar (已結業)

又同好友聚一聚！唔想出九龙？元朗系一个好地方今日经过呢间小店，外面望入去，觉得里面𠮶个装修好有特色。坐低左！环境感觉好舒服，虽然店舖细细，但系楼底够高！ 仲有两面玻璃， 其中一面望住个公园好开扬。既然餐厅名都叫得burger就梗系要叫返个汉堡包啦！ 大蘑菇+汉堡扒， 呢个配搭我第一次食！ 我一向少酱，专登叫姐姐分开啲酱上！ 一啖咬落个包度，蘑菇软淋淋质感， 汉堡扒实实在在嘅牛肉味， 原来呢个配搭好好食㗎㖞， 加埋好大片嘅生菜， 番茄， 生洋葱，芝士， 同埋少少酱！ 系几好食嘅美式汉堡。 要赞一赞个薯条， 系美式𠮶种连埋薯皮一齐炸嘅，薯条够厚身又香口！另外叫咗一个虎虾罗勒叶蕃茄意大利粉， 上枱嘅时候，意大利粉好靓！好香烧虾味同埋罗勒叶香味。 食落， 有浓浓番茄酱味！ 整体味道偏浓， 我朋友好钟意。 我就最钟意𠮶只虾， 一食落去个肉质地系 爽同实嘅！另外叫咗两杯果茶， 味道唔太甜，淡淡的果味，fresh! 一路食薯条一路饮感觉好夹呢度happy hour有手工beer… 绝对可以再嚟试下同hea下！