影片
更多
2017-08-23
2260 浏览
呢晚同人嚟到Amina Modern European，佢系间位于尖沙咀旺区嘅西式私房菜。由入口走入去经过走廊之后，就系水吧同蚝吧。灯光系柔和嘅暖色系，气氛都唔错。（因为我唔想啲相出嚟嘅效果偏暖色，所以之后都较咗白平衡）餐厅分咗八道菜同十道菜两种，其中后者仲有四款主菜去拣，我哋就叫咗两份十道菜嚟试试。侍应先将餐上小品拎嚟，呢啲系饼干条。当晚嘅面包有两款，烘得外脆内软，我比较钟意加咗核桃同提子干𠮶款，蘸埋特制甘笋蓉，唔经唔觉就食晒。风干火腿咸香，食完再饮埋杯梨蓉汁，酸酸甜甜啱啱好互相中和。轻炙北海道元贝，北海道元贝烧得焦香，上面嘅三文鱼子令佢更加咸鲜，伴住椰菜花泡沫、椰菜花蓉、藜麦同腌青瓜，既清新又爽口。番茄清汤，呢个系冻汤嚟嘅，汤色清澈，仲用三文鱼子同脆片装饰，睇落唔错。饮起嚟冻冻哋同带甜味，餐厅仲特登用纸巾包住支冻匙羹，几细心。中间有两粒圆形，其实系分子料理嚟嘅，比较大嘅系用蝶豆花整，甜甜哋有啲似啫喱。比较细嘅就用番茄整，摆入口之后一咬即破，几得意。当晚餐厅嘅鹅肝酱冻转咗做三文鱼酱冻，口感软滑，下面仲有威化饼，同埋用黑椒碎、血橙汁同血橙肉伴碟，入面仲有属于分子料理嘅油醋汁爆珠，同沙律
呢晚同人嚟到Amina Modern European，佢系间位于尖沙咀旺区嘅西式私房菜。
由入口走入去经过走廊之后，就系水吧同蚝吧。
灯光系柔和嘅暖色系，气氛都唔错。
（因为我唔想啲相出嚟嘅效果偏暖色，所以之后都较咗白平衡）
餐厅分咗八道菜同十道菜两种，其中后者仲有四款主菜去拣，我哋就叫咗两份十道菜嚟试试。
侍应先将餐上小品拎嚟，呢啲系饼干条。
面包
40 浏览
0 赞好
0 留言
当晚嘅面包有两款，烘得外脆内软，我比较钟意加咗核桃同提子干𠮶款，蘸埋特制甘笋蓉，唔经唔觉就食晒。
风干火腿咸香，食完再饮埋杯梨蓉汁，酸酸甜甜啱啱好互相中和。
轻炙北海道元贝
34 浏览
0 赞好
0 留言
轻炙北海道元贝，北海道元贝烧得焦香，上面嘅三文鱼子令佢更加咸鲜，伴住椰菜花泡沫、椰菜花蓉、藜麦同腌青瓜，既清新又爽口。
番茄清汤，呢个系冻汤嚟嘅，汤色清澈，仲用三文鱼子同脆片装饰，睇落唔错。
饮起嚟冻冻哋同带甜味，餐厅仲特登用纸巾包住支冻匙羹，几细心。中间有两粒圆形，其实系分子料理嚟嘅，比较大嘅系用蝶豆花整，甜甜哋有啲似啫喱。比较细嘅就用番茄整，摆入口之后一咬即破，几得意。
当晚餐厅嘅鹅肝酱冻转咗做三文鱼酱冻，口感软滑，下面仲有威化饼，同埋用黑椒碎、血橙汁同血橙肉伴碟，入面仲有属于分子料理嘅油醋汁爆珠，同沙律菜一齐食好夹。
龙虾浓汤
19 浏览
0 赞好
0 留言
龙虾浓汤，侍应话碟边嘅系干身嘅龙虾籽，可以将佢加入汤度饮。汤味浓郁、质感creamy，温度就暖暖哋，唔怕辣到嘴唇。
香煎法国鹅肝，同行嘅人话鹅肝好香口，油份又唔会太重，同洒晌上面嘅炸牛蒡丝、开心果碎，仲有南瓜薯蓉、黑醋一齐食就可以解腻。
香煎大虾
15 浏览
0 赞好
0 留言
因为我唔食鹅肝，所以就改咗做香煎大虾，大虾烧得香喷喷，伴碟方面除咗无开心果碎等等之外，其他嘅大致相若。
柠檬木烟熏阿拉斯加蟹肉，蟹肉、梨肉、紫椰菜、生菜、面包粒等等用玻璃樽载住，另外嘅有机鸡蛋同罗勒油柚子酱就分别用两个小量杯拎嚟。
将木盖打开，樽入面嘅熏烟即时涌出，传嚟阵阵怡人嘅柠檬木芳香。再将小量杯入面嘅嘢加入去捞匀嚟食，感觉软滑轻盈。
番石榴雪葩
17 浏览
0 赞好
0 留言
餐厅晌上主菜前先用番石榴雪葩做间场，微微酸甜，可以清一清味蕾。
然后就系主菜之一嘅香煎澳洲黑盲𫚧鱼，鱼皮煎得香脆，鱼肉就比一般鱼类扎实，下面有啲烩杂菜，加埋一齐食几讨好。
红酒烩牛面肉
13 浏览
0 赞好
0 留言
红酒烩牛面肉，牛面肉花咗长时间去炖煮，用刀叉切开已经觉得软腍腍，咬起嚟就好松化，用小番茄、小甘笋、海盐等等伴碟，食起嚟几平衡。
食完主菜，侍应就拎咗个小木盒嚟，入面放咗多款茶包同花茶。
我哋分别拣咗茉莉花同菊花，餐后饮花茶可以消滞。
之后就到甜品时间，自家制柚子芝士蛋糕用鲜蓝莓、红桑子、啫喱、开心果碎等等点缀。
另一碟用咗木板咁拎嚟，卖相就更加吸引。柚子芝士蛋糕食起嚟滑溜，味道就比较温和。
雪影
15 浏览
0 赞好
0 留言
雪影，餐牌写有五款口味，而我哋当晚就系红桑子同榛子两款，甜度唔高，仲有微微嘅可可豆甘涩。
呢度嘅食物几有惊喜，仲大玩分子料理，出嚟效果同味道都讨好。餐牌仲写咗大部份菜式嘅主要材料，侍应拎嚟时亦会稍为讲解一吓。
要留意嘅系，餐厅每道菜之间都有一段几长嘅空档，当晚食吓食吓，都最少用咗四小时先完成。对于步伐急速嘅香港人嚟讲，四小时实在太花时间，但系偶尔同挚爱或亲朋好友停落嚟庆祝相聚都不为过。
张贴
