芽莊越式料理 (已結業)

女朋友盛赞的一间餐厅…我们差唔多7点到，但系已经无普通枱位，侍应本来俾我地坐 bar 枱，但系我眼角望到角落头有位女士差唔多食完，就同个侍应示意想等个张，侍应话okay，然后俾左张飞我地同埋请我地出外面等。等下等下，我突然发现个张枱俾人坐左，咁我就入去谂住问下啦，点知有个中年女性侍应就好唔客气咁赶左我出去，当我想解释话我其实系等紧个张枱，佢就已经急不及待咁话：「我地仲有其他位！都未论到你！你要出返去等！」我真系想讲, "For the sake of X, could you listen!?" 成个过程我觉得个位女士根本就无听到我讲野，净系想赶我出去！最后都有位，就坐系我本来想要个张枱隔黎…我谂系俾人先一步换左枱喇…受饱气，食乜都无味！讲返食物：生熟牛肉粉：可能心情有影响，普通啦…无女朋友讲到咁好味。另一种牛肉粉：唔记得叫乜名，系个menu既底部，女朋友话唔好食。软壳蟹卷：好味，但系可能其他料太湿，好快就唔脆。酿鱿鱼：叫错左，因为完全啖啖肉，系可以送到饭既啖啖肉！但系最后先上，见到已经饱左。总评：味道：okay 啦！环境：人太多，好迫！服务：真系一个个，我见大部分其他侍应都好好态度。