Aroma (已結業)

嚟到蓝屋附近嘅Aroma，系间食fusion菜嘅西餐厅。佢哋有地下同一楼，呢次我哋就系坐楼上。呢度啲布置都几特别，睇得出店主应该系一位篮球爱好者。向下望仲可以睇到楼下嘅情况。台面花纹几有特色。因为呢度啲灯光偏暖色，所以我就较返个白平衡，等阵间影嘢食𠮶阵个感觉无咁黄。好多嘢都好想食，奈何我哋只有两把口，呢次试得唔系太多款。先叫两杯饮品，Grapefruit Mojito，当中夹杂唔少鲜青柠同薄荷叶，再加上西柚汁，酸酸甜甜，清新醒胃。Orange Iced Tea，个鲜橙大约有四分一至三分一个，红茶味出，每啖都系甜香味。Deep-fried Cauliflower，表面洒上巴马臣芝士丝、香葱同辣粉，椰菜花食落爽脆，伴著特制嘅咖哩酱格外惹味，亦无油腻感。Deep-fried Chicken Wings，用咗广东人爱食嘅咸蛋入膳，咸蛋黄碎同咸蛋黄汁沾满鸡翼表面，外皮就炸到微脆，香气十足。睇上去邪恶，味道就唔会过于浓郁。鸡翼仲系单骨嘅姿态出场，方便进食，都几细心。Grilled US Angus Rib Eye，伴碟有烧秋葵、鸡髀菇、蒜头、炒洋葱、腐乳薯蓉同疑似马蹄。牛肉眼我哋拣咗五成熟，听侍应