影片
更多
2023-03-09
142 浏览
一向钟意慢活，尤其钟意喺闲日享受午后悠闲，今次嚟到儿时常到嘅上环，行行壁画街… 东街丶西街，行到差馆上街，吸引到我哋嘅白色外墙小店 Paintable Cafe。大厦外围搭咗棚，Cafe门外部份挂咗仿叶，呢个做法几好㖞！室内望返出去都顺眼啲～食物系即点即制，客人用QRcode落单，由几位态度友善嘅年青人主理小店内都系用白色作主调，感觉干净舒服，加上可爱壁画，令人心情愉快，而室外半露天位置有两个二人座，日光影相特别靓！温泉蛋三文鱼无花果沙律 $98先食个沙律开开胃，烟三文鱼、无花果、新鲜沙律菜加上酸酸甜甜嘅黑醋，仲有流心温泉蛋，份量都唔少㗎～ 带子黑松露蘑菇意粉 $138 再嚟个主食，带子有鲜味，意粉质感Al Dente，唯一意见系啲汁收返干少少(杰身啲)会更好。香蕉榛子酱牛角包窝夫 配雪糕 $78半条香蕉造出脆脆焦糖外层，酥脆牛油香嘅牛角包窝夫，加上满满榛子酱，再配一球CookieNCream雪糕，无论卖相同味道都无得弹，性价比高嘅出品 Hojicha Latte $40非咖啡类饮品，首选焙茶Latte，香味特浓，送上枱时已闻到茶香，相机食完，即刻要趁热饮Latte $40每杯热饮都有
一向钟意慢活，尤其钟意喺闲日享受午后悠闲，今次嚟到儿时常到嘅上环，行行壁画街… 东街丶西街，行到差馆上街，吸引到我哋嘅白色外墙小店 Paintable Cafe。
大厦外围搭咗棚，Cafe门外部份挂咗仿叶，呢个做法几好㖞！室内望返出去都顺眼啲～
食物系即点即制，客人用QRcode落单，由几位态度友善嘅年青人主理
小店内都系用白色作主调，感觉干净舒服，加上可爱壁画，令人心情愉快，而室外半露天位置有两个二人座，日光影相特别靓！
温泉蛋三文鱼无花果沙律 $98先食个沙律开开胃，烟三文鱼、无花果、新鲜沙律菜加上酸酸甜甜嘅黑醋，仲有流心温泉蛋，份量都唔少㗎～
带子黑松露蘑菇意粉 $138 再嚟个主食，带子有鲜味，意粉质感Al Dente，唯一意见系啲汁收返干少少(杰身啲)会更好。
香蕉榛子酱牛角包窝夫 配雪糕 $78半条香蕉造出脆脆焦糖外层，酥脆牛油香嘅牛角包窝夫，加上满满榛子酱，再配一球CookieNCream雪糕，无论卖相同味道都无得弹，性价比高嘅出品
Hojicha Latte $40非咖啡类饮品，首选焙茶Latte，香味特浓，送上枱时已闻到茶香，相机食完，即刻要趁热饮
Latte $40每杯热饮都有拉花，望到心情都特别好
张贴
