影片
更多
2017-10-05
2585 浏览
上年竟然忘记咗结婚周年纪念日冇庆祝到，今年当然不容有失，但我又唔甘心去食过嘅餐厅。计一计日子，知道Adachi san嘅新工作地方会系我Anniversary前几日开张，时间啱啱好，老婆又钟意食寿司，直头天作之合。Adachi san算系我最欣赏，系香港嘅寿司师傅。从Sushi Ginza Onodera, 到竹寿司，都从来冇令我失望过。至于新店鮨慎，Adachi san提过料理长系从鮨鲁山过嚟嘅神立师傅，再加埋呢个地段，已大概可以估计到入货方面会接近之前Onodera水平，非常期待。同一楝大厦颇多高水准餐厅，鮨慎系12楼，一出电梯经理已有礼地欢迎并带我入餐厅，室内系一张长寿司Bar枱，Counter后面系开扬大玻璃窗，有自然光影相靓好多，相机食先嘛哈哈，窗外可以望到颇远。Adachi san已经同助手在恭候。似乎因为餐厅刚开业几日，所以未算太忙。都好吖，可以静静地同老婆庆祝。午餐主要有3个Option, $480, $680同$1180, 第一次嚟当然唔会拣最贵嘅Omakase （其实系生性孤寒）头两个餐分别系10件或12件寿司，师傅话除咗件数外，某几件用料都会有啲分别，例如白身鱼同
同一楝大厦颇多高水准餐厅，鮨慎系12楼，一出电梯经理已有礼地欢迎并带我入餐厅，室内系一张长寿司Bar枱，Counter后面系开扬大玻璃窗，有自然光影相靓好多，相机食先嘛哈哈，窗外可以望到颇远。Adachi san已经同助手在恭候。似乎因为餐厅刚开业几日，所以未算太忙。都好吖，可以静静地同老婆庆祝。
午餐主要有3个Option, $480, $680同$1180, 第一次嚟当然唔会拣最贵嘅Omakase （其实系生性孤寒）头两个餐分别系10件或12件寿司，师傅话除咗件数外，某几件用料都会有啲分别，例如白身鱼同海胆。
头盘系八爪鱼，质感非常柔软而酱油味适中。蒸蛋好滑，上面铺满三文鱼子，三文鱼子咸鲜味再配合白果嘅微甘，好味。
八爪鱼
70 浏览
1 赞好
0 留言
三文鱼子蒸蛋
76 浏览
0 赞好
0 留言
前菜之后Adachi师傅开始握寿司喇。第一件系鱿鱼| Ika 青柠汁加一丁点海盐，味道清新。留意到新店用嘅系红醋饭，醋味唔算明显，质感唔错。佢提过会用白醋同红醋两种饭去配合唔同食材。当日就只用咗一种，我估可能晚餐先会分得咁仔细。
鱿鱼| Ika
133 浏览
0 赞好
0 留言
中吞拿鱼腩 | Chutoro
68 浏览
0 赞好
0 留言
金目鲷 | Kinmedai
63 浏览
1 赞好
0 留言
甜虾 , 右口鱼, 池鱼, 赤贝, 海鳗
88 浏览
2 赞好
0 留言
右口鱼 | Karei
池鱼 | Aji
赤贝 | Akagai，中Size, 肉非常爽甜
海鳗 | Anago，一分为二，一件盐烧, 另一件配鳗鱼汁
原谅我因为懒同谂唔到啲比较诗意嘅形容词所以唔续件介绍喇。总括系全部都新鲜好味哈哈。
想提一下Adachi师傅上寿司个pace系比较从容，唔会一件未食完又即刻整好哂下一件催催贡咁。每件之间都有小空档可以食片姜饮啖茶咁慢慢嚟。所以如果午餐赶时间记得同佢讲声叫佢上快啲。同埋件与件之间佢都会抹走碟上面多余嘅酱油，呢吓小动作对我嚟讲好重要，除咗美观影相靓啲之外，呢啲留系碟面酱油，越储越多时会咁下一件寿司应该避开啲酱油放？定就咁放系上面由啲寿司饭吸收咗佢？越谂越心烦。
白海胆 | Uni
58 浏览
0 赞好
0 留言
题外话，话说个多月前第一次去一间比较新开铜锣湾鮨店，寿司师傅提到新餐厅理念方向时佢细细声讲，大概意思系 「好似依家出面啲咩海胆杯呀咁乜都大堆头，呢啲我哋唔做㗎。我们想做得精致啲。」我不能同意更多。
赤身酱油渍 | Akami marinated with soya sauce
49 浏览
0 赞好
0 留言
葱吞拿鱼碎手卷 | Negitoro handroll
37 浏览
1 赞好
0 留言
蛋寿司 | Tamago
45 浏览
0 赞好
0 留言
再有两片柚子味腌萝卜清一清味蕾。最后系面豉汤，够热味道唔太浓，里面有啲碎紫菜，食完寿司正好暖一暖个胃。是日甜品有海盐，豆腐，同绿茶雪糕供选择，未试过所以拣咗海盐味，咸咸地几特别，建议配例如淡炼奶可以会再好啲。
后来朋友约一星期后到餐厅食Lunch，竟然有我至爱嘅绿茶奶冻😱
餐厅设计上细节位做得唔错。Counter位啲櫈只有一边有扶手，另一边系冇嘅，咁出入例如去洗手间拉櫈时就冇咁狼狈。而下面嘅leg room亦好深，坐得舒服。用餐其间神立师傅亦有同我俩闲谈，态度感觉非常有善。离开时Adachi san 同经理都有送行到䢂口。呢间新鮨店，整体无论餐厅地点，食物，服务，环境同价位都非常满意。系有些少贵但绝对物超所值。如无意外会成为我嘅饭堂！
张贴
