朝日大勝 A V ラーメン

营业中

休息中

吸引到我來朝日大勝 A V ラーメン拜訪的原因，一定係店鋪的主題係男人既好友AV女優，整間鋪由門面裝修，小擺設到菜單，都貫徹AV主題，相當有心思特別。店面空間小小，只可容納9人，睇完餐牌我就點了番號FSDSS644豚骨湯絵大賞，老婆就揀左番號FSDSS752廣島蠔出汁湯，可以揀粗曲麵或直幼麵，我哋揀左粗曲夠硬。豚骨湯呈淡奶白色，入口味道偏淡小咸，唔算好濃厚，叉燒有四大塊，同平時拉麵不同，比較有咬口，食落肉味滲出來，粗曲麵有口感。廣島蠔出汁湯味道有淡淡蠔味，無腥味，湯底比較簿，叉燒感覺係豬頸肉般，食落更有咬勁同香口，廣島蠔輕微火炙，外表飽滿多汁不過入口小腥。小食小鋼炮雞卷外皮微脆，雞肉嫩滑，食落有反差感，賣相一流。