影片
更多
2020-08-06
2329 浏览
上两个月已经想去呢间坐落于中环嘅得奖cafe，不过由于工作繁重，所以一直都冇时间去。咁啱呢几个星期都系home office 既关系，我终于可以快快脆脆做完手上嘅工作，然后黎一个 getaway 😚餐厅喺咖啡界曾经夺得多个世界及香港奖项，所向披靡。我同朋友大约两点钟黎到，店内已经有唔少慕名而来嘅食客，就系为左品尝高质咖啡。餐厅既装潢简约而有情调，我地一入到去就已经感受到浓浓嘅cafe 气息，墙上亦展示左不同种类嘅咖啡豆同埋各色各样嘅小摆设。由于店内下层已经满座，我地被店员安排到楼上既坐位。店员为我地呈上左两个餐牌，包括lunch combo 同埋 brunch combo，另外仲有多款传统饮品同埋特色饮品。我地都一致觉得每一道菜式都好吸引，而且我本身都好中意食cafe 既toast 同埋pasta，所以用左十分钟先做到决定 😂我地最后拣左一道brunch combo 同埋一道breakfast of champions，分别系Egg Benedict with slow roasted pulled pork 同埋crab and avocado with toast 🍳🥓🥑🥪下面会有
餐厅喺咖啡界曾经夺得多个世界及香港奖项，所向披靡。我同朋友大约两点钟黎到，店内已经有唔少慕名而来嘅食客，就系为左品尝高质咖啡。
餐厅既装潢简约而有情调，我地一入到去就已经感受到浓浓嘅cafe 气息，墙上亦展示左不同种类嘅咖啡豆同埋各色各样嘅小摆设。由于店内下层已经满座，我地被店员安排到楼上既坐位。
店员为我地呈上左两个餐牌，包括lunch combo 同埋 brunch combo，另外仲有多款传统饮品同埋特色饮品。我地都一致觉得每一道菜式都好吸引，而且我本身都好中意食cafe 既toast 同埋pasta，所以用左十分钟先做到决定 😂
我地最后拣左一道brunch combo 同埋一道breakfast of champions，分别系Egg Benedict with slow roasted pulled pork 同埋crab and avocado with toast 🍳🥓🥑🥪下面会有更详细嘅介绍 😋
Crab & Avocado with Toast 🦀🥑🥪 $138
呢个toast 用料非常丰富，最底层系切成小块既新鲜avocado，中间系蓝蟹肉，而面头铺满左鲜味既三文鱼籽。
三种主要食材都系十分健康同美味。虽然牛油果🥑就咁切片再加少少盐已经好好味，但如果唔想太干，通常都会配以酱汁食用。呢道菜所用既系sriracha mayo同埋藜麦香芹油(quinoa parsley oil)，淡淡既藜麦香味同牛油果好相配，两者都系充满nuts 既味道。
而蓝蟹肉肉质爽嫩，每一啖都食到蟹既鲜味同埋微微嘅海水味，再配埋粒粒包满弹牙嘅三文鱼籽，真系名副其实嘅鲜味十足！🦀👍🏻
另外餐厅所用既并非一般嘅toast而系sourdough toast，要做呢款面包，厨师要预早大约一星期预备酸面种。加入左酸面种做出黎嘅面包气孔比较不一，纹理致密，所以会见到toast 嘅表面有好多大大小小嘅花纹。至于味道方面，闻落其实都唔觉得好酸，而食落就酸酸甜甜，味道一啲都唔寡～ 🍞
多款食材加埋一齐令整道菜更有层次感，无论口感定系味道，都系完美嘅配搭，难怪成为咗餐厅近期嘅大热菜式，中意食avocado 嘅朋友一定要黎试下！
Egg Benedict with slow-roasted pulled pork $128
朋友点嘅系egg benedict配以慢烤手撕猪肉(slow-roasted pulled pork)，egg benedict即系水波蛋，只系表面既蛋白凝固左但入面既蛋黄依然系流质状态，一切开蛋黄酱就会涌出黎 😋
呢个egg benedict 同传统嘅制法一样，都系加入幼嫩菠菜同埋荷兰酱(aerated hollandaise)。荷兰酱系法式料理五大酱汁之一，酸甜清香富有奶油嘅味道，系egg benedict 嘅灵魂。
虽然我地平时都好中意食烟三文鱼，但自从之前试过墨西哥菜既pulled pork，我地一直都念念不忘，所以今次拣左slow-roasted pulled pork 😍🔥🥓
Pulled pork 系以低温慢烤并加以烟熏而成，所以出炉嘅猪肉都系非常软身，入口即化，而且用叉一拉就会散，可能因为呢个原因所以叫做 pulled pork 😋
呢道菜同样地配以sourdough toast，味道真系好唔错。个人好中意佢带有香烤风味既微辣手撕猪肉，再配埋嫩滑嘅菠菜同蛋酱，惹味又香滑🌶🥓🍳🌱🍞👍🏻
Filter coffee (single origin) $50
我地黎到夺冠嘅咖啡店，紧系要试下佢地嘅咖啡☕️ 朋友点左filter coffee，即系手冲式咖啡或者滴漏咖啡。
店员随即为我地简述每一款产地同风味不同既咖啡豆，朋友最后拣左LOS NARANJOS。
呢款咖啡豆原产地系歌伦比亚西南部嘅乌伊拉省(Huila)，主要嘅味道系酸酸甜甜，酸味系来自blood orange，而甜味系来自brown sugar 同埋 white grape，当然仲有咖啡豆自带嘅苦涩味。
虽然呢种并非获奖嘅咖啡豆，但佢嘅味道独特，层次丰富，要慢慢饮用先可以品尝到当中嘅甘甜 🍇☕️
Chocolate with marshmallow $45我就点左一杯经典嘅热朱古力，面头除左铺满朱古力粉之外，仲洒满左香甜嘅绵花糖。热朱古力味道浓郁🍫，饮完暖笠笠 ☺️
整体黎讲，餐厅气氛休闲舒适，好适合中意慢活嘅人。而且食物质素亦都好好，店员既服务态度亲切有礼，我要再带其他朋友去试菜。
张贴
