azito (已結業)

原来理大入面有间唔驶拍理大卡都入到既餐厅，除左散叫既餐点外仲有2人餐或者4人餐，今日我地就试到佢地既二人餐，超级丰富，食到劲饱😹和风玉子烧拼盘😸玉子烧有6粒，3粒上面系蟹籽，3粒上面系鱼籽，另外仲有沙律酱系每粒蛋上面，每粒都烧到金黄色，好嫩好滑，无论同蟹籽定系同鱼籽一齐食都好好食。挪威三文鱼凯撒沙律😺沙律绝对系开胃之选，三文鱼够咸够香，同清新既菜一齐食好夹，仲有啲面包粒同芝士粉，好fresh好正。炭烧封门牛柳黑炭汉堡配黑松露薯条😻汉堡入面既封门柳绝对唔少，又厚又浓牛味，肉质好好，成个汉堡一啖咬落去口感好丰富，薯条又脆又香黑松露味，正呀！地中海海鲜配虾头酒忌廉汁扁意粉😽意粉既海鲜好多，每啖面都有海鲜既鲜味，白酒忌廉令意粉好香，超级好食。无冰奶茶/极焙抹茶😼两样都系枝装饮品，无冰奶茶好香好清好醇，整焙抹茶就好浓好香，两枝都好好饮，又方便。