Backyard (已結業)

荃湾愉景新城旁边嘅中染大厦，翻新后改头换面咁，感觉比从前高档。当中有唔少新进驻嘅餐厅，我哋去试咗地下嘅Backyard。位处熙来攘往嘅马路旁边，餐厅装修却令人有种置身晌温室嘅感觉，台上仲铺咗磁砖，令成个环境显得唔单调。烤杂菜沙律，烤意大利黄瓜青瓜配上火箭菜、车厘茄、生菜、黑醋汁等等，口感爽脆清新。是日餐汤系粟米汤，同其他地方嘅有少少唔同，每口都饮到打碎咗嘅粟米粒，都唔错。德国鲜肉肠蘑菇薄饼，搓成椭圆形，馅料有德国鲜肉肠、蘑菇同番茄，配上芝士、罗勒同番茄酱，饼底仲系我偏好𠮶种脆如饼干嘅质感。烤美国安格斯牛肉眼扒配烧汁，生熟度拣咗五成。餐牌指呢块安格斯牛肉眼扒足有八安士重，咀嚼起嚟软腍松化，颇有油香同烤香，底下仲有椰菜花、薯粒同彩椒。我哋叫咗咖啡，既提神又可以消滞，餐厅提供嘅系外型有啲似小石嘅白方糖同啡方糖。试埋呢个上网睇话只限荃湾分店先供应嘅红菜头田园三文治配薯条。三文治嘅桃红色好吸引，面包厚身，颜色主要系来自红菜头汁，稍稍烘到微焦，食落松软而富弹性。中间分别夹咗烤芝士、烟火腿、番茄片、生菜丝等等，同埋搽咗沙律酱。薯条就洒咗辣粉、香葱同烟肉碎，蘸芝士酱嚟食都几惹味。味道OK，但份量非同小