Holly Brown Coffee Roasters (已結業)

喺D2楼上返工, 好日都唔会去呢度食, 今日有friend 喺附近约我去呢度食lunch. 叫咗个炸鸡沙律set lunch, 个鬈毛waiter 比咗碟（烤鸡）沙律上枱, 仲话: 唔好意思, 炸鸡卖晒, 转咗烤鸡! 讲完想调头走𠮶刻, 我就同佢讲: “冇炸鸡 咁你系咪应该知会我一声先出餐呢? “ 佢谂住兜, 话: “临时转嘅, 当我行过去攞餐时厨房先同我讲冇炸鸡”(个样仲要好串咁) 连我个friend都忍唔住仰起头望住佢, 我话呢个唔系理由啰~ 佢就问: “咁烤鸡系咪唔啱食? 要唔要转第二样野? “ 最后我冇转 照食, 怕又要等 😓 呢个鬈毛waiter 超冇礼貌唔系第一次, 我寻日记错日期 以为约左我个friend 系寻日, 所以我lunch time 去到餐厅门口, 呢个鬈毛waiter 企咗喺餐厅入口, 我就同佢讲: lunch book咗枱 两位嘅, 唔该. 佢答我: 咁~ 你系咪应该要提供返D资料呢? (哗! 串到 😡😡) 佢应该见我面色一沉, 就话: “我帮你睇睇~ 系统显示系听日㖞, 改咗今日?” 我仲同佢讲咗声唔好意思 我搞错咗~ 就离开其实野食都唔系特别好食, 唔值