Tapas Brew (已結業)

博文街呢间未食过，冇得评论。但大埔呢间就食到一肚火！所谓西班牙菜系有几款tapas加所谓一两款paella，真系好意思叫自己tapas餐厅！首先系个蒜片虾，蒜味都够但D虾梅的，揸fit𠮶位话系新鲜虾，咁即系点？厨师将新鲜虾整到梅左？青口我事前已问左两次系唔系雪藏货，佢地话新鲜的法国货，点知又系梅的，大佬呀！我系一田买一包就咁蒸都嫩过佢一百倍啦！佢又解释唔系季节，咁你D野唔得就唔好出啦，话货唔靓今日唔推咪得啰，重要收咁贵！好冇意思呀，有冇良心呀做生意？！八瓜鱼沙律张相系一片片，嚟到就一粒粒的，老细，你知唔知而家有商品条例㗎！Paella海鲜饭D饭一旧旧，到底你地有冇食过西班牙海鲜饭㗎，系有汤汁挂饭㗎，topping海鲜就好似上面咁，唔洗多讲！其它野就更无谓讲， 嘥气！唯一可以食的系乳猪同猪手，应该系你地隔离姊妹店德国厨房攞过来，咁你不如直接开多间德国菜啦，什么Tapas呀！重要收费拍得住尖沙咀，可否比番好少少嘅食材，有良心D啦！