峇里園印尼餐廳 (已結業)

听人讲过呢间餐厅d野食唔错，又唔洗等位，就入去试下。入到去觉得餐厅环境同气氛唔错，颇有印尼风情，仲有好多唔同特色既座位。两个人散叫左炒金边粉 + 咖喱牛舌 + 松饼 + 雪糕紫米露。 上菜慢首先上炒金边粉，味道ok，两个人边倾边食，直到碟金边粉食晒，仲未有其他野食黎，咁就开始等。等左一阵，黎左两块松饼。谂住个松饼梗系要配埋个咖哩一齐食家嘛，咁等埋个咖哩啦。 点知一等就等左30分钟! o个时d松饼已经又冻又腍! 最惹笑既系，个咖哩都未上，佢就上甜品! 我地同个waiter讲个咖哩未上，佢竟然指住个甜品话：「下! 但系个甜品整左喇㖞!」，企左o系度唔陏。之后佢好唔情愿地攞番个甜品入去雪住先。而等左咁耐先到既咖哩牛舌，d咖哩汁尚算唔错，但系d牛舌就令人好失望喇，完全一d口感都冇，极腍，一入口就烂晒，都唔使o赵，又冇咩味! 侍应无视追单，而且多次上错菜其实d食物既味道已经系其次，令我一定要俾喊样既原因系very poor service啰。我地已经追左3次个咖哩喇，不过d侍应个个听完都好似冇左件事咁，o系度周围行!我地仲发现唔只系我地遇到d咁差既service，隔离台上菜既时候个侍应竟然拎住两