影片
更多
2024-03-10
146 浏览
中午同三位同学一齐食饭，一人嗌咗一个餐，其中两个嗌咗餐厅嘅全日早餐，两个就嗌普通饭。送餐嘅时候，𠮶两个全日早餐嚟到完全唔系我同朋友叫嘅嘢食，就同职员讲，之后职员嚟对多几次单我哋都话唔系所以就再落多次单，呢个时候我哋都冇乜所谓。之后等餐时间大家都冇嘢做就睇电话，所以职员送另外两个饭嚟嘅时候，另外两位朋友冇留意到冇即时回应，之后就被一位女职员用「玩电话𠮶两位」叫住形容，我哋都有即时讲唔好意思，但系呢个时侯个职员既态度已经令我哋感到唔太好。过咗一阵，𠮶位女职员再行过嚟态度好差咁问：「𠮶两位玩电话嘅人，你哋个饭有餐汤仲要唔要上㗎？」我哋都比佢嘅形容同语气吓亲即刻答唔使啦唔该。但系我认为如果个餐汤系本身个饭跟嘅，应该直接送上嚟而唔系问我哋仲要唔要甚至用咁嘅字眼嚟形容我两位同学问。之后全日早餐送到后，啲沙律菜好苦，嗌咗两杯嘢饮，都系我哋几乎食完成个餐先有职员问我哋系咪有嘢饮未到先冲俾我哋，杯阿华田十分淡味，几乎同饮水一样。成餐饭，先有落错单嘅情况，然后有职员态度嘅问题，又有上错餐嘅情况，所以大家都食得有啲唔开心，谂住快啲食完俾咗钱就走。之后拎张单嘅时候发觉计多咗钱，就同其中一位职员讲，佢都即刻话帮
送餐嘅时候，𠮶两个全日早餐嚟到完全唔系我同朋友叫嘅嘢食，就同职员讲，之后职员嚟对多几次单我哋都话唔系所以就再落多次单，呢个时候我哋都冇乜所谓。
之后等餐时间大家都冇嘢做就睇电话，所以职员送另外两个饭嚟嘅时候，另外两位朋友冇留意到冇即时回应，之后就被一位女职员用「玩电话𠮶两位」叫住形容，我哋都有即时讲唔好意思，但系呢个时侯个职员既态度已经令我哋感到唔太好。
过咗一阵，𠮶位女职员再行过嚟态度好差咁问：「𠮶两位玩电话嘅人，你哋个饭有餐汤仲要唔要上㗎？」我哋都比佢嘅形容同语气吓亲即刻答唔使啦唔该。但系我认为如果个餐汤系本身个饭跟嘅，应该直接送上嚟而唔系问我哋仲要唔要甚至用咁嘅字眼嚟形容我两位同学问。
之后全日早餐送到后，啲沙律菜好苦，嗌咗两杯嘢饮，都系我哋几乎食完成个餐先有职员问我哋系咪有嘢饮未到先冲俾我哋，杯阿华田十分淡味，几乎同饮水一样。
成餐饭，先有落错单嘅情况，然后有职员态度嘅问题，又有上错餐嘅情况，所以大家都食得有啲唔开心，谂住快啲食完俾咗钱就走。
之后拎张单嘅时候发觉计多咗钱，就同其中一位职员讲，佢都即刻话帮我哋改返减返，结果俾钱嘅时候就听到佢细细声咁讲我哋「改嚟改去」。我真系好大个问号，明明系你哋职员落错单收多咗我通知返，点解会系话我哋改嚟改去？
真系建议员工做下培训改下啲态度先再返工😅嘢食好唔好食已经唔系问题😵💫
张贴