Yo Bago (已結業)

呢间餐厅系朋友介绍，因为倾开香港无乜地方可以买到Bagel，朋友就话原来鲗鱼涌有一间餐厅就算系食Bagel，不过营业时间就比较难去。所以今次要去太古做野就顺便早啲去食返个早餐先。舖头唔系算特别显眼，所以原来经过过好多次都无发现。平日朝早无乜人。一坐底已经见到好大个Menu放咗系枱。叫咗个早餐，可以㨂唔同味cream cheese嘅set，价钱三十零蚊，算合理。我就拣咗蓝莓味嘅cream cheese，等咗成三个字见隔离有得食都未有，要再催先有，得三位客人都等咗三四个字真系有啲耐嚟到嘅Bagel同我以往食过日式台式嘅贝果唔同，因为店主系加拿大返嚟，佢地食嘅偏美式嘅Bagel，比平时食嘅扁身啲，亦都大旧好多。入面嘅cream cheese好好味，蓝莓味好重，cream涷涷地，加上个包软软，食上去好搭，口感好好！