秋千.在 (已結業)

偶然发现呢间cafe，就拉咗朋友去试下呢间个个都赞嘅bagel同咖啡。我哋嗌咗一个烟三文鱼bagel，一个鳗鱼滑蛋bagel，一杯latte，一杯cappuccino。上菜𠮶下其实已经想放弃影相即刻食，因为卖相实在吸引。食落去都的确好食，尤其系薯条炸得好脆好香口，呢样大大大加分！朋友略觉得bagel硬咗少少，我本人觉得还可以，始终坊间bagel都系类似呢种口感。同埋值得一赞系小店喺bagel口味上都花咗啲心思，唔同配菜会用唔同口味嘅bagel，务求令每一份bagel嘅味道再升华。整体黎讲系好食嘅，咖啡味道都系可以嘅，不过不失。搭上餐厅嘅情调，周末可以悠悠闲闲咁咬啖bagel都真系几正。