Cheesess (已結業)

之前团购好似系$100买$200现金卷，佢个卷差不多有一年有效期，咁好食早知买多d啦😭今次试左个圣诞限定 Christmas Island Bailey's本身对含有Bailey's既甜品十级喜爱（虽然就咁饮个酒就不太喜欢😆）我地2个人拣左M size， 其实佢话S size系4人份量😅但我觉得佢S系2人份量，仲要唔系大食既两个人 😂番到家就立刻将佢雪番入冰柜，放冰柜个梗度对我尼讲刚刚好一食落去超级浓郁既Bailey's 味，仲有好小小酒既苦味（系好夹既苦味,正!），然后酒味过左之后换尼系清香既芝士味！！！竟然两种味都系刚刚好无边个抢左边个，非常好吃。佢个质感好似好软绵绵既雪榚咁，但同时好厚唔会觉得有空气或者好轻身，就算佢卖原价$248 我都觉得值得！！不过佢依个朱古力脆脆饼底就不太合我口味，或者原味饼底会好食d 。依间野绝对有再试既理由！