影片
更多
2018-03-26
65 浏览
好难得先约到韩妹出黎，佢今日返11点，熊妹就放假，所以约好食lunch。不嬲熊妹同韩妹相见的老地方系旺角，而熊妹又唔会放过任何一间有牛油果菜式的餐厅的，所以特登拣呢间旺角区的平民cafe。地理位置有啲近太子的，系界限街球场附近，唔系旺角市中心区，所以比较宁静。店舖唔系好大，有几张2人枱，4人枱同一张大枱。环境装修得好舒服，楼底比较高，天花撘成左拱型屋顶，令到成间cafe空间感多左，感觉好光鲜。cafe 主要以白色同棕色为主，仲有少少艺术的摆设，挂画，成件事令人好和谐好舒服， 不会觉得花多眼乱。cafe系自己点餐模式的，所以唔会收加一。counter附近有个自助吧，餐具，餐碟，纸巾，调味料可以系度攞，仲有水杯同水，都系自助自己斟，自由度好大。一心黎食牛油果，就叫齐哂佢两款牛油果招牌菜喇。先点个烟肉碎牛油果蜜桃粟米沙律，$72。都几大碟，好多沙律菜，烟肉碎系烟熏过再切粒，加埋蕃茄仔，粟米同蜜桃，再捞上 caesar salad dressing，好fresh 㖞!虽知蜜桃都系罐头个只，但食落唔会好多小滴滴，湿湿地咁，明显地系有处理过，整干啲罐头糖水，所以连埋菜一齐食好新鲜。牛油果就有3，4
不嬲熊妹同韩妹相见的老地方系旺角，而熊妹又唔会放过任何一间有牛油果菜式的餐厅的，所以特登拣呢间旺角区的平民cafe。
地理位置有啲近太子的，系界限街球场附近，唔系旺角市中心区，所以比较宁静。
店舖唔系好大，有几张2人枱，4人枱同一张大枱。
环境装修得好舒服，楼底比较高，天花撘成左拱型屋顶，令到成间cafe空间感多左，感觉好光鲜。
cafe 主要以白色同棕色为主，仲有少少艺术的摆设，挂画，成件事令人好和谐好舒服， 不会觉得花多眼乱。
cafe系自己点餐模式的，所以唔会收加一。counter附近有个自助吧，餐具，餐碟，纸巾，调味料可以系度攞，仲有水杯同水，都系自助自己斟，自由度好大。
avocado corn salad with grilled bacon
$72
7 浏览
0 赞好
0 留言
一心黎食牛油果，就叫齐哂佢两款牛油果招牌菜喇。先点个烟肉碎牛油果蜜桃粟米沙律，$72。都几大碟，好多沙律菜，烟肉碎系烟熏过再切粒，加埋蕃茄仔，粟米同蜜桃，再捞上 caesar salad dressing，好fresh 㖞!虽知蜜桃都系罐头个只，但食落唔会好多小滴滴，湿湿地咁，明显地系有处理过，整干啲罐头糖水，所以连埋菜一齐食好新鲜。牛油果就有3，4件，好够熟，唔会太生硬，又唔会过熟变蓉咁，独立食已经好好味。
smoked salmon avocado croissant
$68
7 浏览
0 赞好
0 留言
然后第二款系烟三文鱼牛油果牛角酥，$68。一开头其实系见牛油果就即叫，无理到其实烟三文鱼同牛油果唔知夹唔夹。几惊喜㖞，有足足半个牛油果的份量夹系牛角包入面，连埋一大块烟三文鱼，橙色绿色，卖相已经好吸引。烟三鱼的咸味同油份融入系干身软熟又无咩味道的牛油果中，系好夹架!唔需要任何酱汁的调味反而更能吃到食材本身的滋味，唔会俾酱汁盖过主角，真系好好味，加埋脆脆地酥化的牛角酥，真系估唔到的夹，世界上有好多野真系估佢唔到，所以勇于尝试，就不枉此生，哈哈。跟包有伴碟沙律，就系啲沙律菜同蕃茄仔捞黑醋汁，无咩特别喇
flat white
5 浏览
0 赞好
0 留言
黎cafe当然要叹杯咖啡的，熊妹照常地叫了最爱的flat white。本身以为得散点无set，但原来系星期一至五10点到下午3点有跟餐一杯咖啡，如果点其他茶款呀，matcha caffe latte，mocha，lemonade就另加$15，所以熊妹呢杯flat whie系包的，系抵㖞。绿色瓷杯呈上，唔系好大杯 ，都几香咖啡味，系熊妹喜欢重少少咖啡味的flat white。
一贯地，饮到最后，拉花还完整无缺就合格喇!
apple & cinnamon tea
$15
4 浏览
0 赞好
0 留言
韩妹点的系apple & cinnamon tea，呢个就要加$15喇，一set好可爱的绿色茶壶仔跟一个小瓷杯，放上一个木托上，好有茶道的感觉。淡淡的果香同玉桂味，唔会太甜，茶味又唔会太浓，饮落好清。店员仲好窝心地见饮到无乜，会问一问需唔需要再添加水，好少地方可以再加水架，因为suppose系点一壶就一壹，再加就再点啰。
lunch time 黎讲唔算好多人，唔系话全场爆满，不过仲keep住有人黎帮衬，但唔会话有进餐限时，唔会话迫人走，坐系度吹下水真系好舒服，由装潢，挂墙摆设，餐碟，菜
茶杯等等各样各样都好精致，好有自家经营的cafe feel，好似玩bakery story咁自己拣自己cafe的风格，小摆设，小枱几张，自助水吧，悠闲小吃，值得再encore支持!
张贴
