반찬앤쿡 Banchan and Cook (時代廣場) (已結業)

👭🏻上次同妹妹食过太古分店。小编钟意香浓奶油味嘅烤鸡卡邦尼年糕， 而妹妹就钟意大啖肉骨胶原猪手。行完崇光感谢祭，去铜锣湾分店补充体力刚刚好～🍳番茜海鲜蛋包饭（$138）：盐水煮青口及八爪鱼，海老剖开再洒上海盐及番茜叶已经好足够。嫰滑嘅蛋浆盖住嘅系牛肉杂菜粒炒，配以浓郁嘅番茜酱，入口有强烈嘅香料提神味道。钟意番茜嘅朋友唔好错过～🍗烤鸡卡邦尼年糕（$92）：再次大赞烤鸡！水准有保证，鸡皮入口同样香脆唔会油腻，鸡件肉质嫰滑。洒上芝士碎及少许辣椒粉调味嘅卡邦尼年糕有嚼劲！浓香奶油～🥗韩式猪手沙律（$92）：呢间分店嘅猪手以瘦肉为主，猪皮轻薄嘅一层，既能够带出油脂香，但又唔会有油腻感。比较太古分店，小编更喜欢铜锣湾嘅猪手。🍗清爽番茜有骨炸鸡（$118）：番茜酱配炸鸡实属一个新奇配搭，但又出奇地无违和感。薯条口感有层次，外层香脆，内层依然食到薯仔嘅软糯。🍫烤朱古力棉花糖（$78）：棉花糖于烤焗后添加朱古力酱及朱古力碎片，再于表面洒咗一层轻薄嘅糖粉。棉花糖外层微脆，内层软且暖。配搭饼干享用，满满的幸福感。🍵济州绿茶咖啡 （$48）：分层鲜明，奶盖，咖啡，最后系绿茶。颜色鲜明，入口绿茶味浓郁。小编最钟