小曼谷泰國美食 (教育路)

营业中

休息中

唔讲唔知呢间小曼谷原来系九龙城好出名𠮶间嘅分店。实在有太多餐厅以「小曼谷」开头好难分辨。闻到隔离枱好香嘅冬阴功，即刻要点！闻到冬阴功嘅味就谂起喺泰国嘅回忆。味道上，少辣刚刚好，符合香港人口味。汤料有原只大虎虾，菇等等。泰式腌猪颈肉沙律，猪颈肉多过菜，正！猪颈肉烤过，边位仲少少脆多滋味。仲有必食嘅蒜蓉包，面头有好多蒜蓉，作为重口味人士我系钟意蒜味，好彩朋友都系姐。原本都谂住叫咖喱，不过而家2个人食唔晒就冇叫，所以蒜蓉包就配冬阴功食。泰式拼盘有春卷、虾饼、鱼饼同鸡枣，一次过可以满足多个愿望。虾饼爽口弹牙。鱼饼内有唔同香料，好惹味，一食就会知系泰国嘅味道。春卷香脆。比较少见系鸡枣，就系细细粒𠮶旧炸物。鸡枣系指将鸡肉及鸡软骨剁碎成胶，配上杏仁碎系面，再炸。食落口感几特别首先系食到杏仁嘅脆口，之后就系内里嘅鸡肉胶。串烧有牛舌、鸡肉。肉类烧得外脆内嫩。本身有用香料调味，单食唔点酱都好入味。牛舌最忌系煮得韧，呢到唔会。饮品叫咗沙冰，分别系芒果椰汁沙冰同埋椰皇沙冰。芒果味重之后就有椰汁味，系解渴解辣佳品。椰皇沙冰就比较清甜。食得饱饱，重拾系泰国嘅记忆，同样一边吹水一边食嘢嘅时间。