德美壽司

营业中

休息中

烧牛舌 $42有五件牛舌，每件都厚过$5银仔～弹牙QQ啊。基本上是我每次必食嘅选择 三文鱼寿司🍣虽然餐牌无写，但好似已经系Default左系厚切咁。师傅按纹理切左斜纹，应该系为咗令刺身更易摊开，覆盖寿司。不过我觉得咁就可以分开一格一格，按住切嘅敍纹嚟一啖啖食 食到最尾一啖，就算无哂饭，都仲有厚厚嘅三文鱼肉。好有日本感觉。油甘鱼寿司建议～食油甘鱼就唔好咁快咬烂，容让舌头同刺身交融一下先。因为油甘鱼本身嘅油脂好香好丰富，已经好刺激味蕾。和牛刺身寿司值唔值呢？口感嚟讲，其实都几有肉味，油脂都有少少。但可能因为我压轴先食，所以味蕾已经被油甘鱼霸占哂。我凭信心相信佢本来可以更加好食。不过，和牛块肉无辨法咬开，要一啖食就系事实，唔似得鱼咁可以慢慢叹嘅。所以，一件、试过已足够。牛油果软壳蟹手卷伸出来的两条野⋯应该系想扮哂蟹，或者戴头盔——日本武士嘅头盔。外观得意。味道都Jeng Jeng嘅。即叫即炸，无好Surprise但就好合乎理想期望嘅手卷。