BASAO tea (月街)

营业中

休息中

咖啡店就去得多，专饮茶既都系第一次。 木纹色做主导配搭白色和绿色植物，相当有日式气息。舖内长方形既格局，同大部分咖啡店相约，但气息就立即令整个人都平静落黎，更有一种洗涤心宁，准备要禅修嘅感觉。舖内尾段有层架示展自家品牌嘅产品，茶包到茶具都有发售。 由于店舖都主要食物以蛋糕茶点为主，所以枱櫈都比较小型，最后位置亦都设有矮小长枱，可供四人使用。呢到亦都算属于少许自助形式，枱面放左 menu ，睇岩拣好就出去Order，隔离仲有个透明小雪柜摆放住自家制食品同饮品 。 长形水吧令泡茶嘅过程一览无遗，平时摆咖啡机嘅地方，呢到就变左茶杯茶具同其他冲煮机器。吧枱亦都有高櫈，可以近距离观赏泡茶嘅过程。望望雪柜，卷蛋既颜色同口味都好少见好独特，仲要自家制，梗系要试下啦！蛋糕卷都系以茶味为主，中间嘅cream好香滑，夹住蛋糕一齐食，可以令蛋糕冇咁干。 黎到呢到饮茶就更㗎啦，咁除左茶呢 ？ 无错！除左茶之外，佢地仲有其他特别野饮嘅...第一次饮有气嘅茶，感觉好特别～ 牛油果味好特出，一阵牛油果味过后会慢慢有一阵茶味出嚟，不过呢杯野饮冇乜调味，所以饮饮下可能会感觉到牛油果嘅青味。