影片
更多
2019-12-27
229 浏览
12月工作上忙到痴咗线，但难得一日早放到工，就决定揾个friend啤啤佢，诉下苦水😅。作为半个西环街坊，间唔时都会嚟soho hea下，之前已经嚟过一次呢间酒吧，因为有手工啤🍺。呢晚撞啱食饭时间，所以一于喺到食埋野，唔使转场咁麻烦。酒吧位置系半山扶手电梯隔离一条街，所以都称得上静中带旺。除咗手工啤外，我钟意呢间酒吧光光猛猛，适合同朋友吹水聚会，唔系污烟漳气𠮶种🙈。装修唔错，有好多啤酒樽、海报同有啲圣诞装饰，成个感觉好causal舒服。再者，呢到唔收加一，又唔会俾侍应chur你开酒哈哈。呢日因为喺到食埋嘢，所以望清楚menu有乜食。原来星期二、三做紧combo set买一送一，抵㖞！不过一份嘅份量都超多，女仔我都几肯定食唔哂，因为有好多肉🍖。以酒吧嚟讲，食物选择算多同吸引，唔系一味薯条同墨西哥脆片😂，另外仲有甜品添。酒吧有提供几个combo sets拣，主要系🍗肉同🥪三文治。我哋就要咗Combo A($250)，肉类可以四拣二，Beef Brisket by 1/4 pound(牛腩)、Pulled Pork by 1/4 pound(手撕猪肉)、Homemade Sausage by
12月工作上忙到痴咗线，但难得一日早放到工，就决定揾个friend啤啤佢，诉下苦水😅。作为半个西环街坊，间唔时都会嚟soho hea下，之前已经嚟过一次呢间酒吧，因为有手工啤🍺。呢晚撞啱食饭时间，所以一于喺到食埋野，唔使转场咁麻烦。
酒吧位置系半山扶手电梯隔离一条街，所以都称得上静中带旺。除咗手工啤外，我钟意呢间酒吧光光猛猛，适合同朋友吹水聚会，唔系污烟漳气𠮶种🙈。装修唔错，有好多啤酒樽、海报同有啲圣诞装饰，成个感觉好causal舒服。再者，呢到唔收加一，又唔会俾侍应chur你开酒哈哈。
呢日因为喺到食埋嘢，所以望清楚menu有乜食。原来星期二、三做紧combo set买一送一，抵㖞！不过一份嘅份量都超多，女仔我都几肯定食唔哂，因为有好多肉🍖。以酒吧嚟讲，食物选择算多同吸引，唔系一味薯条同墨西哥脆片😂，另外仲有甜品添。
酒吧有提供几个combo sets拣，主要系🍗肉同🥪三文治。我哋就要咗Combo A($250)，肉类可以四拣二，Beef Brisket by 1/4 pound(牛腩)、Pulled Pork by 1/4 pound(手撕猪肉)、Homemade Sausage by 1/4 pound(肠)同Roasted Chicken by 1/2 piece(烤鸡)。另外，仲有两条Fried Pickles(腌酸瓜)，同三拣二伴菜，Potato Salad(薯仔沙律)、Mac’N Cheese(芝士通粉)同Coleslaw(椰菜丝沙律)。虽然好多选择咁，但好快就拣到😛。
呢个Combo A真系超丰富，虽然上碟时就觉得系乜嘢都有啲，但好似唔系好多咁，点知食食下就知原来好饱。我哋要咗🐮牛腩，系长身一片片嘅，有3大片，口感同平日港式粉面嘅牛腩好唔同(一嚿嚿四方的)，第一次食西式牛腩，几得意；而🐷手撕猪肉一丝丝好正，有浓浓嘅BBQ味，似Back Ribs去骨版，肉质一啲都唔鞋，应该叫多2片包包嚟夹就一流。两款肉其实都几出色，因为够Juicy之余，仲好香烟熏味，拿捏到慢煮嘅精髓，无谂过酒吧出品都咁讲究。
Combo A
$250
12 浏览
0 赞好
0 留言
伴菜就要咗🥔薯仔沙律，呢个几唔错，首先我自己不嬲都系薯仔控，第二系除咗薯仔外，沙律仲有唔少蛋🥚。另一款要咗芝士通粉，呢样就麻麻，系热、系拉丝🧀，但通粉太淋了，味道亦有啲寡。至于两嚿炸酸瓜就好正，解解食咗咁多肉，除咗炸外，其实都仲有几片🥒。
Lemon Pepper Chicken Wing
$98
7 浏览
0 赞好
0 留言
由于食唔落多个combo，就要咗份🐔Bone-in Chicken Wing($98)，鸡翼有几款口味拣，包括buffalo、honey garlic、lemon pepper同explosive。由于怕太辣，所以要咗🍋柠檬黑椒，柠檬嘅酸配上黑椒嘅麻好惹味，虽然系用上2种好大路嘅食材，但呢个组合唔系周围食到，推介😊。而且份量都几多，有成8只鸡翼/鸡锤，仲有啲西芹添。
甜品就加$30要咗个苹果批🍎🥧，原价要$65，造型方面，就有啲搞笑，图文不符，你唔会想像到呢个系一个批😅，比较散开同扁咗。不过味道方面就同正常苹果批无乜分别，果肉同皮都比较淋，重肉桂味，上面有球雪糕🍨。
最后就紧系要讲埋杯啤酒啦🍻，我要咗FUXK ART THIS IS JUICY($78)，产地系丹麦🇩🇰，酒精含量唔算高5%。呢杯都几易入口，唔苦，啱女仔饮，不过唔浓果味。其实都有几多款啤酒想试下，但有啲都sold out，如果多个人，可以嗌个Beer Platter，咁就饮到6款！而家嗌一杯，都能够饮成晚了。
总括嚟讲，呢晚系有意料之外嘅收获，因为除咗饮杯啤酒吐下苦水外，食物有特色，味道又唔错。Combo份量其实都几多，如果唔系当晚餐，都应该够3条友，依间酒吧系可encore之列👌。
张贴
