風月堂 洋菓子BAR (已結業)

依家出街睇嚟一定要喺网上先预约订位，如果唔系通常就无靓位，或者你要等下一场好耐先有。今日为咗消磨时间又费事行咁远，发现原来戏院隔离就有一间餐厅，于是试下，原来戏院唔止买爆谷小食仲有饭食添。首先推介嘅系呢个生姜蜜，好岩女性饮，驱寒暖宫，系恩物黎架啵，够晒姜，饮完喉咙都好舒服！忌廉法兰克福肠配烟肉长通粉个忌廉汁好Creamy，每一条肠粉都好似隧道咁，装满忌廉汁！法兰克福肠爽脆既肠衣，配滑滑既汁，好味！另外餐厅必食嘅就系一啲日式嘅甜品。因为听讲呢度师傅专程去日本受训，学成归来！有Pancake/Waffle/Ice cream等我地要左个士多啤梨芒果crepe，充满蛋香又滑溜既crepe皮，包住厚厚既cream，衬埋酸甜既水果，一啖一啖好快就食完！所以下次睇戏都可以好快食个便饭呢！