影片
更多
2018-05-21
955 浏览
Bellissimo 意大利文系美丽。如果用美丽来形容一间餐厅，个个人嘅定义都唔同。可能你会觉得系间餐厅外貌好靓，又或者啲𩠌菜外观好好，所以你话佢美丽。但系我今次用 bellissimo 系想形容食物嘅味道，同埋佢抵食嘅程度。我第一日自己一个人去试咗呢一间餐厅，之后第二日，我同事请食晏，我又提议佢去呢间餐厅食，所以我连续两日去咗同一间餐厅食晏。不过喺呢度我想讲一下我第一日去你间餐厅嘅感觉。外面睇入去，由于玻璃反光嘅关系，同埋里便比较暗，所以唔系好睇到。我都系出边睇咗好耐，尝试装入去睇吓里面，可能系咁关系，侍应就开咗道门，邀请我入去餐室。里面嘅布置，有啲古典味，有啲砖墙，有啲旧嘅相，一啲圆拱型嘅柱，同埋有个用嚟放酒嘅铁架，铁架上放咗好多好多酒，感觉有少少似系酒窖里面嘅餐厅。Lunch set 我叫咗凯撒沙律同埋杂菌鸡肉意大利饭。凯撒沙律味道唔错，啲沙律酱唔会太多，亦都唔会太咸。杂菌鸡肉意大利饭，份量刚好，菇方面有冬菇加上秀珍菇，两种菇有唔同嘅咬口同味道。意大利饭我食到有鸡汤味同埋有啲洋葱粒。鸡肉亦都OK，唔会太干。味道亦都唔错。侍应礼貌都几好。我走𠮶阵时，侍应都有礼貌地帮我开咗道门讲句多
外面睇入去，由于玻璃反光嘅关系，同埋里便比较暗，所以唔系好睇到。我都系出边睇咗好耐，尝试装入去睇吓里面，可能系咁关系，侍应就开咗道门，邀请我入去餐室。
里面嘅布置，有啲古典味，有啲砖墙，有啲旧嘅相，一啲圆拱型嘅柱，同埋有个用嚟放酒嘅铁架，铁架上放咗好多好多酒，感觉有少少似系酒窖里面嘅餐厅。
Lunch set 我叫咗凯撒沙律同埋杂菌鸡肉意大利饭。凯撒沙律味道唔错，啲沙律酱唔会太多，亦都唔会太咸。杂菌鸡肉意大利饭，份量刚好，菇方面有冬菇加上秀珍菇，两种菇有唔同嘅咬口同味道。意大利饭我食到有鸡汤味同埋有啲洋葱粒。鸡肉亦都OK，唔会太干。味道亦都唔错。
侍应礼貌都几好。我走𠮶阵时，侍应都有礼貌地帮我开咗道门讲句多谢。咁即系话入嚟𠮶阵时佢帮我开门，走𠮶阵时佢又帮我开多一次门。
呢间餐室其中一个重点就系佢价钱唔贵HK$108一个lunch set。仲包埋杯咖啡。如果叫牛扒或者鸡扒都只不过系加HK$10。
PS 系我影个张单嘅时候先发现原来呢间餐室系 al dente group。 相比起SOHO𠮶间 al dente，呢间明显系好一啲。
总结
- bellissimo 系想形容食物嘅味道，同埋佢抵食嘅程度
- 连续两日嚟呢度食晏
- 外边唔容易睇入去里边
- 推介：杂菌鸡肉意大利饭
- 入嚟𠮶阵时侍应帮我开门，走𠮶阵时佢又帮我开多一次门
- HK$108一个lunch set
- 如果叫牛扒或者鸡扒都只不过系加HK$10
凯撒沙律
20 浏览
0 赞好
0 留言
杂菌鸡肉意大利饭
16 浏览
0 赞好
0 留言
Coffee
11 浏览
0 赞好
0 留言
张贴
