Simplylife Landmark (已結業)

中环打工仔工作繁忙，日坐夜坐，坐到 pat pat 都大埋，懒去做运动既我唯有由饮食著手，依排成日食肥野，决定都系去食下草。landmark Simply life lunch time 例牌有长长既人龙等沙律，佢分大（$78）同细（$58），佢既 size 真系好麻烦，我试过买细既系完全唔够饱，唔系我大食，我平时食大家乐饭盒系食唔哂的，但系买大沙律，又会饱到好辛苦，所以我通常都系食大半，小半系 tea time 再食埋佢，做到小食多餐都系好既。细沙律个盒一睇就知唔够饱，除非成盒叫 pasta salad 啦！大沙律可以拣六𩠌。Cesar salad 几好食，其他就真系麻麻地。所有蔬菜用料都几新鲜，包括红菜头，但佢既酱就真系有待改善，红菜头沙律同蕃茄沙律都系淡而无味，食唔出佢落左咩酱，你可以话清淡啲都好既。佢既粟米沙律加橙同柠檬，我自问孤陋寡闻，未见过咁既食法，同埋都真系唔夹，唔好食。西兰花同粟米都好㶶，钟意食香口野既人可能会好钟意，但系系人都知食㶶野会致癌，我望住佢地㶶到咁真系连咬走佢都废事，直情就成旧唔食。总括黎讲，唔明点解咁多人排队，真系无其他好野食了吗？？？