November (大明里) (已結業)

我几年前就听过呢间铺头，话说我朋友喺石门附近返工，佢三日唔埋两日就影我睇饮November，但北区嘅牛牛冇动力特登搭车去石门叹呢杯嘢，一直都只系book mark喺will go list，最近发现大埔开咗分店，牛牛表示非常开心。间铺头开喺大埔墟公园仔附近，tiffanny blue嘅铺面好抢fo唔难揾。🍫🍌朱古力香蕉邪恶嘅朋友推介我一定要饮佢杯朱古力香蕉，本身第一啖饮落都觉得冇乜特别，比一般milkshake浓郁d姐，但搞多两搞d香蕉味出哂黎，果然冇介绍错。🍓🥛士多啤梨莓莓奶奶而同我同行嘅朋友就拣咗士多啤梨莓莓奶奶，我偷饮咗一啖，啖啖果肉绝对冇揸流摊，酸酸甜甜，即使饮哂一杯都唔会觉得好罪恶感。热日炎炎，饮完杯嘢即刻降哂温，行过路过，唔好错过。