秀拉麵 (已結業)

同frd系中环血拼左一轮，累累地又有少少饿去揾野食。咁岩行过见到有D人等位，就贪得意就一齐排下队，等左无耐就入座了，我地拣左黑秀、赤秀拉面同芝士饺子share黎食。侍应未拎到黎我地张枱，已经闻到好香的汤味。黑秀拉面GE猪骨汤底好好饮够浓，杰杰地，但唔系味精味道，所以我地都差唔多饮晒佢GE汤底。另外，我地拣左硬身拉面，D面同汤唔会分开味，而系索埋D汤汁，食落去爽口弹牙。溏心蛋都ok，再溏心D再仲好。我钟意系入面的烤叉烧，平时出面食果D拉面的叉烧有时会连住D肥膏。不过呢款的叉烧无咩肥膏，但最紧要瘦得黎唔会干争争，仲有佢烤左所以好香个啡色Ｄ皮仲有D脆。我落order叫佢多D葱，佢真系俾劲多葱架;)赤秀拉面同黑秀拉面入面的料系差唔多材料，不过赤秀的汤底有少少微辣，我唔系好食得辣，呢个岩岩好。最后值得一赞系芝士饺子，D饺子皮煎到甘香好脆，一咬落去有芝士漏出黎，食落唔会好腻。可能因为多人，有时侍应生都几忙，但都好好礼貌。