影片
更多
2022-08-04
370 浏览
正日生日饭拣咗 Bifteck，作为 Le Reve 嘅姊妹餐厅，精致度有过之而无不及，店名系法文中牛扒嘅意思，单刀直入主打靓牛 ✨ 主厨糅合法日两地嘅烹调手法，利用新鲜紫菜、白松露同味噌等特色食材入馔，除咗某道菜，可以话系颇有惊喜嘅 Fine Dining 🍽‣ Focaccia | Brioche | Seaweed Tempura面包自家手制，配 Miso Butter 够特别。‣ Fresh Oyster “Three Ways” | $2581️⃣ Wagyu Tartare 加入同样切碎嘅蚝肉，两者质感惊人地相似 🙀 软嫩得难舍难分，以鱼子酱点缀增添咸鲜味，好创新嘅处理手法！2️⃣ Yuzu Salsa 以洋葱、番茄、青瓜碎制成 🍅🥒🧅 柚子嘅酸中和咗蚝独有嘅锈味，易入口之选。3️⃣ 炸蚝天妇罗粉浆中混入新鲜紫菜，有阵隐约嘅青草香 🌿 配以泡菜蛋黄酱同三文鱼籽，大玩 Fusion 混搭 😝‣ Artichokes Soup | $88用咗香港人唔太熟悉嘅雅枝竹，奶白色浓汤打成丰盈泡沫，Creamy 中尝到蔬菜嘅清甜 🥰 刨上满满嘅新鲜白松露同松露油，单凭卖相已经矜贵过人 ✨‣ Oxta
‣ Focaccia | Brioche | Seaweed Tempura
面包自家手制，配 Miso Butter 够特别。
‣ Fresh Oyster “Three Ways” | $258
1️⃣ Wagyu Tartare 加入同样切碎嘅蚝肉，两者质感惊人地相似 🙀 软嫩得难舍难分，以鱼子酱点缀增添咸鲜味，好创新嘅处理手法！
2️⃣ Yuzu Salsa 以洋葱、番茄、青瓜碎制成 🍅🥒🧅 柚子嘅酸中和咗蚝独有嘅锈味，易入口之选。
3️⃣ 炸蚝天妇罗粉浆中混入新鲜紫菜，有阵隐约嘅青草香 🌿 配以泡菜蛋黄酱同三文鱼籽，大玩 Fusion 混搭 😝
‣ Artichokes Soup | $88
用咗香港人唔太熟悉嘅雅枝竹，奶白色浓汤打成丰盈泡沫，Creamy 中尝到蔬菜嘅清甜 🥰 刨上满满嘅新鲜白松露同松露油，单凭卖相已经矜贵过人 ✨
‣ Oxtail Soup with Seasonal Vegetables | $98
先放好已拆肉嘅牛尾，伴以炙烧过嘅豆腐、樱桃萝卜、白萝卜，露笋等时令蔬菜 🥕 店员即席用茶壶将汤斟到碗中 🫖 视觉享受完味道又点呢？面豉汤调味咸得嚟略嫌单调，完全盖过牛尾汤嘅香气，唔太推荐 🫣
‣ Boston Lobster French Barley Risotto with A4 Wagyu Carpaccio | $308
先声夺人嘅和牛刺身已经赢咗一半，带有烟熏味嘅生牛肉十分嫩滑 🥩 包裹住薏米煮成嘅炖饭事半功倍，每啖都有龙虾肉，肉质亦处理得刚刚好 🦞 调味略微过甜，但仍然好食。
‣ Steamed Manila Clams with Uni Miso Sauce | $208
娇嫩欲滴嘅蚬肉粒粒饱满 🐚 海胆酱汁加入新鲜紫菜同味噌，热辣辣嘅紫菜布里欧酥香松软，沾上咸香鲜甜嘅酱汁正到痺 🤤 连伴碟嘅珍珠洋葱同油浸车厘茄放上面包都系一绝，食到手指都吮埋！👅💦 能够将咁多种元素完美平衡，尽显主厨巧思，系几近完美嘅呈现 💯
‣ Roasted Slow Cooked Miyazaki A5 Rump with Wagyu Consonmé | $698
店内最有特色嘅日本雪室熟成和牛，以低温熟成产量稀少，选用 A5 等级和牛后腿肉进行慢煮，佐以牛骨清汤 ♨️ 经店员大力推荐，咁一定要试试佢啦！老实讲餐饭食到大半都好满意，但唔好意思呢个系极失望 💔💔 望落Pinku Pinku 咁，但一切落去已经觉得唔对路，一个字——韧！两个字——好嚡！😩 食到大半忍唔住同经理反映返，佢都呆咗几秒先话「吓？韧？慢煮嚟㗎㖞..」我都想讲吓…. 为咗唔浪费呢七嚿水坚持食晒，真心咬到牙骹都软，嬲啊！😂
‣ Roasted Bone Marrow | $168
土豪风 Side Dish，手臂咁长嘅牛骨髓放上几种菇菌，铺上芝士碎、面包糠同香草同焗，食落香口但可以想像到啲肥膏有几油腻 🤪
‣ Mango Sake Kasu | $78
慢煮牛嘅悲伤全靠甜品扳回一城，我最爱嘅吕宋芒制成雪芭 🥭 酒粕啫喱米香醇厚，配上脆脆 Crumbs、软滑奶香 Mascarpone Cheese 同紫苏花，莫名有种芒果糯米饭嘅味道，超钟意！😍
‣ Sakura Espuma | $88
樱花泡沫柔滑细腻 🫧 嗒真啲会食到淡淡嘅咸味，相信系由盐渍樱花而来 🌸 伴以糖渍草莓，少女味满泻 💕
📍 Bifteck
湾仔皇后大道东 202 号 QRE Plaza 23 楼
张贴
