飲茶 (已結業)

今日lunch去庆生🎂，㨂左间新派地方饮茶 —「饮茶」早两日已经订左位，所以一去到就立即入座。环境都唔错，成大个open kitchen，见到好多师傅系入面埋头苦干💪🏿由于放饭时间只有一个钟(但今日系早走迟返😂)，所以一坐低就拿拿淋点野食📝第一轮食物好快就到，先黎一份小吃并盘：宝石兰度：其实系羽衣甘蓝同埋红石榴，羽衣甘蓝切成薄薄一片本身无咩味道，点上少少酱汁，味道少少咸少少酸，几好味😋青瓜皮虾：薄薄既青瓜包住一只脱左壳🦐，加上少少蒜蓉，味道ok啦，但无咩特别。鸡丝拉皮：即系大家平时食既鸡丝粉皮，由于我无特别兴趣所以就无试到😅，不过卖相都唔错。呢份龙须芥兰除左外表特别之外，味道都唔错，够爽口，好多时出面食到的好多都会有苦涩味😖睇住流奶：流沙奶皇包是也。比好多地方食到既流沙包好味，又够流心，系甜左少少，但都算系几好味👍🏼吉川奶子：绿茶味流沙包，食落有阵阵绿茶味，一样流心，无「睇住流奶」咁甜，好味😋胭脂玫瑰：有淡淡玫瑰花味道，馅料疑似豆沙蓉，不过玫瑰花味太淡了，感觉好一般😐一笼八戒：其实只系叉烧包，主要系比佢个样吸引而叫，但可惜有位猪朋友个鼻整容失败🙈近墨者黑：墨鱼汁海鲜炒饭，饭粒分明，唔会