100
34
6
等级4
281
0
Birthday Lunch！
2022-10-04 81 浏览
上个月生日嘅正日午餐老婆大人喺尖沙咀拣咗喱间The Frequency食晏，佢带得我去嘅肯定唔系普通嘢！一入去黄色嘅装修好抢眼令到眼瞓紧嘅我精神为之一振呀。咩都唔好讲嚟两杯嘢饮爽吓先！我喱杯叫青·庐入面有青瓜、青柠、乌龙梳打同埋青提子绿色嘅样好爽皮，串提子冰镇过食落好甜加埋乌龙茶打梳打坚好饮㖞！叫午餐嘅话如果拣冇精饮品仲可以减20皮抵饮好多架。老婆大人𠮶杯叫樱·雨个样劲有日本feel，入面用咗盐渍樱花、荔枝、番石榴同埋梳打水mix出嚟，侧边仲有杯荔枝汁倒埋入去真系好似去咗樱花之地咁！入面仲有鬼咁过瘾嘅盐渍樱花波波冰，饮落去又咸又甜咁啱晒佢口味。叫咗两样小食喱个系汁烧百花酿日本秋葵，将啲虾胶酿入去细细条嘅秋葵入面手工好仔细，秋葵食落冇滑潺潺加埋虾胶仲好鬼香添。跟住仲有热气但又好食嘅唐扬炸鸡，鸡粒炸得够干脆食落一啲都唔油腻入面嘅鸡肉仲有肉汁添，钟意再邪恶啲嘅点埋柚子沙律汁一齐食仲正斗。我哋夜晚仲有生日饭局所以叫咗一个午市套餐两份食，喺餐汤同梅渍杞子和风沙律入面拣咗南瓜忌廉汤，估唔到连个汤都整得咁有睇头，香滑南瓜汤味道都几唔错起码唔会净系得面粉味。主菜我哋拣咗慢煮加拿大保湿猪鞍扒，哗一嚟见到
更多
上个月生日嘅正日午餐老婆大人喺尖沙咀拣咗喱间The Frequency食晏，佢带得我去嘅肯定唔系普通嘢！一入去黄色嘅装修好抢眼令到眼瞓紧嘅我精神为之一振呀。

8 浏览
0 赞好
0 留言
咩都唔好讲嚟两杯嘢饮爽吓先！我喱杯叫青·庐入面有青瓜、青柠、乌龙梳打同埋青提子绿色嘅样好爽皮，串提子冰镇过食落好甜加埋乌龙茶打梳打坚好饮㖞！叫午餐嘅话如果拣冇精饮品仲可以减20皮抵饮好多架。
5 浏览
0 赞好
0 留言
老婆大人𠮶杯叫樱·雨个样劲有日本feel，入面用咗盐渍樱花、荔枝、番石榴同埋梳打水mix出嚟，侧边仲有杯荔枝汁倒埋入去真系好似去咗樱花之地咁！入面仲有鬼咁过瘾嘅盐渍樱花波波冰，饮落去又咸又甜咁啱晒佢口味。

5 浏览
0 赞好
0 留言
叫咗两样小食喱个系汁烧百花酿日本秋葵，将啲虾胶酿入去细细条嘅秋葵入面手工好仔细，秋葵食落冇滑潺潺加埋虾胶仲好鬼香添。

9 浏览
0 赞好
0 留言
跟住仲有热气但又好食嘅唐扬炸鸡，鸡粒炸得够干脆食落一啲都唔油腻入面嘅鸡肉仲有肉汁添，钟意再邪恶啲嘅点埋柚子沙律汁一齐食仲正斗。

3 浏览
0 赞好
0 留言
我哋夜晚仲有生日饭局所以叫咗一个午市套餐两份食，喺餐汤同梅渍杞子和风沙律入面拣咗南瓜忌廉汤，估唔到连个汤都整得咁有睇头，香滑南瓜汤味道都几唔错起码唔会净系得面粉味。

6 浏览
0 赞好
0 留言
主菜我哋拣咗慢煮加拿大保湿猪鞍扒，哗一嚟见到件猪扒咁鬼大件厚身好彩叫咗一份啫！

5 浏览
0 赞好
0 留言
有老婆大人喂食喱件猪扒点敢话唔好食呀哈哈。
4 浏览
0 赞好
0 留言
The Frequency

电话：26612009

地址：尖沙咀山林道22号琼林阁地下A号舖
(以上食记乃用户个人意见 , 并不代表OpenRice之观点。)
  • 推介
    已推介
  • 检举
3 已推介
    张贴
    评分
    味道
    环境
    服务
    卫生
    抵食
    用餐日期
    2022-09-23
    用餐途径
    堂食
    用餐时段
    晚餐