Black Coffee

营业中

休息中

小店于2020年创立，主打咖啡同西式料理，另有多款特色甜点供应。装潢以型格嘅黑色为主调，连餐具同嘢食都有好多黑色元素🤣 店内环境唔大，食物价格合理，适合约朋友聚餐。前菜有香煎大虾青苹果牛油果酱沙律，酱汁已混合好，味道酸甜，虾仁爽弹，沙律新鲜，感觉开胃。主食有BBQ汁烟熏猪腩窝夫三文治，窝夫软熟，配搭咸香，肥瘦适中嘅猪腩，连同番茄同青瓜，口感丰富，性价比高。甜品控表示一定要留肚食甜点。梳乎里班㦸份量十足，食落湿润绵密，带有空气感，柠檬忌廉吉士酱酸甜开胃。私心推介焙茶麻糬窝夫，味道浓郁，麻糬Q糯，搭配雪糕好夹。草莓千层酥都唔错，酥脆可口，咔咔声咁，完全唔腻。