Coffee Obsession

营业中

休息中

撇除连锁咖啡店，大埔有好多咖啡店都好似做唔住，又睇下Coffee Obsession破唔破到呢个魔咒。 Coffee Obsession喺北角都有一间，本身谂住同朋友去试。然后发现最近喺大埔都开左一间，咁就试左大埔𠮶间先。 喺一个平日嘅下午，喺大埔想坐低饮杯咖啡其实选择唔多。Coffee Obsession喺一个旺中带静嘅位置，穿过一条巷仔，喺露天停车场侧边嘅一个转角位。今次叫左杯black magic坐低饮下。 咖啡要打到起泡（唔系奶泡，唔好见到咖啡有泡就觉得系奶泡）通常都系手摇/手打/机摇/机打，shakerato就系其中一种比较传统嘅做法，摇到有泡再加甜或者加入咖啡师嘅特有配方。近年都有人用搅拌机黎打泡。 Black Magic：而今次个magic就系咖啡加左nitro，咖啡泡沫更细密更绵滑。除左有泡之余，仲有好似黑啤𠮶种慢慢沉淀嘅视觉效果。店员表示一斟出黎要快快呷一啖，体验𠮶种绵滑嘅感觉，因为沉淀之后会有另一种比较清爽嘅口感。 虽然唔系rocket science同埋咩惊天大发现，但系喺大埔黎讲算新鲜架喇。