新泰東南亞餐廳 (已搬遷) 新店位置

间野系公司附近，但见lunch成日都好多人等，所以一直都冇试过。上个月30号夜晚放左工见冇人等就walk-in试下。的确，食物系唔错既。点左三个菜，Massaman Curry，肉碎猪生菜包同马拉盏通菜。后两样都系一般味道啦，反而个咖哩系有惊喜既，少少甜，浓度恰到好处，好岩送饭/点薄饼食。不过，staff既态度真系好难顶。话说落完单成25分钟都未上过野，咁就同个著橙色衫既staff讲声啦。（个位女士应该系senior staff，因为其他人普遍著深蓝色。）我地问可唔可以追一追张单，因为落左成25分钟都冇野上过，见隔离台迟落单过我地都已经上左成10分钟，就想问一问会唔会其实漏左定点。个位女士好大声咁话「你讲野啦，我地电脑入单架，点会你入单先但野食黎得迟过人呀」（意指我地话自己落单先过隔离系讲大话），然后就自己走左去。粒粒字都好刺耳。我理得你入单程序系点，但可以系你地漏左张单架wor，点解可以一口就咬定我地讲大话？食餐饭姐，d客需唔需要咁讲大话黎屈你呀？同埋自问一路态度都好好，只系问下都咁被人话。好谷气，好食到识飞都一定唔会再帮衬。如果想受气就去食啦。